Бүген “Укучыларның имин мохитен һәм балигъ булмаганнарның мәшгульлеген тәэмин итү” темасына республика ата-аналар онлайн-җыелышы узды. Чара Татарстан Республикасы Мәгариф һәм фән министрлыгының 2026/2027 нче уку елына календарь чаралар планы нигезендә оештырылды. Катнашу өчен онлайн-трансляция оештырылды. Бу чарада  Иске Ашыт төп мәктәбе укучыларының әти-әниләре дә актив катнашты. Чараның төп максаты: ата-аналарның яшүсмерләрне тәрбияләүдәге заманча мәсьәләләр турында хәбәрдарлыгын арттыру һәм аларның иминлеген, гармонияле үсешен тәэмин итүгә комплекслы якын килүне формалаштыру. Җыелыш кысаларында ата-аналар профильле ведомстволар (Эчке эшләр министрлыгы, Дәүләт автоинспекциясе һ.б.) вәкилләреннән, психологлардан һәм мәгариф өлкәсендәге белгечләрдән актуаль сорауларга җаваплар ала алдылар. Шулай ук тимер юл транспортында куркынычсызлык; юл-транспорт травматизмын профилактикалау; яшүсмерләр арасында наркотиклар таралуга каршы тору; үз-үзеңә кул салуны профилактикалау; профилактика чарасы буларак социаль-психологик тестлар үткәрү; балалар үсеше өчен өстәмә белем алу мөмкинлекләре турында сөйләшү уздырылды. Мондый җыелышлар ата-аналар, мәгариф оешмалары вәкилләре һәм профильле белгечләр белән бергә турыдан-туры әңгәмә кору өчен мөһим мәйданчык булып тора.