“Нәүрүз” ул – Яңа ел, яңа көн дигән сүз. Бу бәйрәм – борынгыдан килгән бәйрәм. “Нәүрүз” – көн белән төн тигезләшкән чакка - 21-22 мартка туры килгэн,  шулай ук бу бәйрәм безнең төбәкләрдә язны каршылап, язгы чәчү эшләре алдыннан үткәрелә торган халык бәйрәме булып санала. Нәүрүз бәйрәме көнне балалар йорттан йортка кереп, Нәүрүз такмагын әйтеп, хуҗаларга бәхет, уңышлар теләгәннәр. Хуҗалар ботка өчен ярма, йомырка, май биргән.  Бүген мәдәният йорты белән беолектә безнең мәктәптә дә бу бәйрәм ел саен үткәрелә. Бәйрәмебез коймак ашау, күңелле уеннар белән бик күнелле барды. Һәркемнең  йөзендә елмаю, канәгатьләнү хисе чагылды.