Бүген авылыбыз китапханәсендә Наласа авылында яшәп иҗат итүче якташыбыз, хикәяләр, шигырьләр язу остасы, балалар язучысы, Татарстан Язучылар берлеге әгъзасы Гөлчирә Нәҗметдинова белән очрашу булып узды. Очрашуда мәктәбебез укучылары шагыйрәнең шигырьләрен сөйләделәр. Гөлчирә Наҗметдинова үзенең балачак хатирәләре белән уртаклашты, балаларга киңәшләрен бирде, теләкләрен җиткерде, әле яңа гына язылган шигырьләрен укыды. Аның шигырьләре фантазиягә, тирән фикергә бай. Балалар телен аңлап язылган.  Шагыйрә аерым шигырьләрендә акыллы булырга, тәртипкә һәм хезмәткә өйрәтә. Аның йөрәк түреннән чыккан әсәрләре киләчәк буынны тәрбияләүдә зур урын алып тора.
Очрашу истәлеге итеп, Гөлчирә апа узенең китапларын безгә бүләк итеп бирде. Бик күңелле очрашу булды.