Традициягә әйләнгән чисталык ике айлыгы  бара. Яз кояшы турырак һәм җылырак карый башлау белән язгы санитар чистарту өмәләре башланды. Чөнки яз җитү белән кыш буе кар астында күренми яткан чүп-чар баш калкыта башлый. Кыштан соң  табигать уяна,  тирә-якны тәртипкә китерү, төзекләндерү вакыты җитә. Күмәк эш – беткән эш, диләр. Бергәләшеп көч куйганда, тиз генә башлаганны төгәлләп була. Бергәләп башкарган хезмәтнең нәтиҗәсе дә күзгә күренерлек матур булды.  Бергәләшеп күңелле итеп җыештырганнан соң, тирә-юнебез тагын да күркәмләнеп, ямьләнеп калды. Әлбәттә, көннәр ныклап җылытуга өмәләр тагын дәвам итәчәк әле. Яшәгән җиребезне чиста тоту – һәркемнең  изге бурычы. Әйләнә-тирәбездәге чисталык һәм матурлыкны булдыру һәм саклау бары тик үзебезнең кулларда икәнен онытмыйк, дуслар!