Арча Укучылар сараенда эшләп килүче “Нур” балалар һәм яшүсмерләр телестудиясенең 15 яшьлек юбилее узды. Бу бэйрэм чарасында мэктэбебезнен 5-сыйныф укучылары Валиева Г., Хасанова И. катнаштылар.  Район мәдәният йортында үткәрелгән бәйрәмгә телерадиожурналстика түгәрәгенә йөрүче һәм аның чыгарылыш укучылары җыелган иде. Бәйрәм чарасын Арча районы башкарма комитеты җитәкчесенең социаль мәсьәләлэр буенча урынбасары Эльвира Вафина ачып җибәрде.  "Нур"ны тәмамлаучылар арасында бүгенге көндә 25 кеше республиканың радио һәм телевидениеларында хезмәт куя.  Иң ахырдан сәхнәгә "Нур" телестудиясенең беренче көннән башлап җитәкләп алып баручы Зөлфирә Зарипова чыкты. Алып баручылар аны "Нур"ның нурлы әнисе дип чакырдылар. Бүгенге көнгә кадәр “Нур”лылар тарафыннан 300 телепрограмма, 1000 телесюжет, 25 кыска вакытлы фильм, 20 социаль ролик, 3000 интервью эшләнгән.