Урамда яз исе. Кояш елмая. Күңел табигатькә ашкына. Халык табиблары исә язгы табигатькә чыгу ул матурлык белән хозурлану гына түгел, ә беренче язгы бөреләрне дә җыя торган чак, ди. Аларның әйтүенчә, бөреләрдәге биологик актив матдәләр организмдагы барлык алмашу процессына стимул булып тора. Каен бөресен агачта сок хәрәкәте башланганда, бөреләр бүрткәч, әмма әле яфрак ярганчы җыярга кирәк. Бер генә яфрак чыкса да, соңга калган буласыз. Гадәттә, бу март башы-урталарына туры килә. Моны коры көнне эшләргә кирәк. Бер каенның бөреләрен күп кисмәскә, агачка зыян китермәскә кирәк. Язын аны киптерүе авыр. Бүлмәдә кипмәсә, духовкага куярга була.  Кипкән бөре 2 ел саклана. Бу көннәрдә бөре җыю старт алды. Укучыларыбыз бик теләп бу эштә катнашалар. Иң беренчеләрдән булып, норманы, 7 сыйныф укучылары үтәде. Әйдәгез, барыбыз да катнашыйк!