Халык иҗаты өлкәсендә сәләтле балаларны ачыклау, үстерү һәм аларга ярдәм итү, балаларның шәхси уңышларын үстерү, аларны этномәдәни мирас кыйммәтләренә җәлеп итү максатыннан Арча муниципаль районында «Без бергә " Республика балалар сәнгать фестиваленең муниципаль этабы уздырылачак. Мәктәбебезнең яшь талантлары зур тырышлык белән әлеге конкурска әзерләнә.

Декоратив-гамәли эшләнмәләр күргәзмәсендә халык (һөнәр) мәдәнияте традицияләрендә эшләнгән һәм төрле материаллардан: тукымалар, җепләр, тире, агач, каен, балчык, металлдан эшләнгән эшләр тәкъдим ителәчәк.

«Без бергэ» Фестиваль-конкурсы ике яшь төркемендә (кече һәм урта төркем) һәм түбәндәге номинацияләр буенча үткәрелә: халык вокалы, халык вокаль ансамбле, хореография, инструменталь ансамбль, сәнгатьле уку,мода театры (этнографик костюмнар, заманча костюмнар),театр иҗаты.  Конкурста катнашучыларның барысы да матур, дәртле чыгышлар әзерләгәннәр. Аларның һәркайсына уңышлар телибез. Зур җиңүләр насыйп булсын!