Көз. Хәзер табигатькә ул хуҗа! Тылсымлы сулышы белән бер генә өреп җибәрәдә бөтен дөньяны танымаслык итеп үзгәртә. Агачларга гына карагыз сез. Яфраклар, алтын сары, кызыл- чия төсләргә кереп, моңсу гына җиргә коела. Җир өсте әкияттәге кебек әллә нинди сихри палас белән капланган.Шулай да, көзнең үз яме бар: яшелчәләр өлгерә, җиләк-җимеш пешә, уңышлар җыела. Көзнең яме - муллык белән.

    Әйе, менә без дә бүген һәр кем өчен шатлыклы булган бәйрәмнәрнең берсе, уңыш бәйрәменә җыелдык. Ул һәркемгә муллык китерүче, игеннәр, яшелчәләр җыелып беткәч уздырыла торган бәйрәм. Укучылар командаларга бүленеп, төрле конкурсларда катнаштылар. Бу бәйгедә бигрәк тә башлангыч сыйныфлар һәм 5 класс укучылары актив булдылар. Конкурска нәтиҗә ясаганнан сон, һәр класска  "көз күчтәнәче" өләштеләр.