Европа телләре көне ел саен 26 сентябрь көнне уздырыла.  Европа союзы тарафыннан 2001 елның 6 декабрендә игълан ителгән.  Бәйрәм Европа телләренә генә кагылмый, бу - телләрне үстерү һәм өйрәнүгә юнәлтелгән көн.

      Европа телләре көненең иң мөһим максаты — мәктәп яшендәге балаларга да, өлкән яшьтәге европалыларга да төрле телләрне өйрәнүгә ярдәм итү. Шушы максаттан чыгып, 8 класста тәрбия сәгате үтте.

         Моннан тыш, акция Европада яшәүчеләр арасында ике теллелекне саклауга һәм тел төрлелегенә юнәлтелгән.
Статистик мәгълүматларга караганда, бүгенге көндә Европада 225 тел бар . Аларның өчтән ике өлеше юкка чыгу чигендә яки үлүчеләр булып санала.  2009 елда безнең илдә генә дә ЮНЕСКО вәкилләре тарафыннан 136 тел кулланыштан төшеп калучы дип табылган. Тел бетсә, милләт тә бетә. Туган телебезне яратыйк һәм саклыйк.