23 нче июнь көнне Арча шәһәренең үзәк стадионында озынлыкка сикерү урыны (сектор) ачылуга багышланган җиңел атлетика кичәсе уздырылды. Ярышлар 17.00 сәгатьтә башланып китте. Ярышларны тантаналы ачу өлешендә педагогия көллияте төрле елларда тәмамлаган, көллият һәм Арча районы рекордсменнары Инсаф Файзрахманов – (800 – 2,01; 1500 – 4.14,8), Алмаз Сагитзянов – (100 – 11,45; озынлыкка сикерү – 658 см.) Зиннур Сагитов – (400 – 54,0), Фидаиль Бариев – (200 – 23,7), Марсель Харисов – (3000 – 9.10), көллиятнең физик тәрбия укытучасы Барый Бакиров район һәм республикада җиңел атлетика спортының үсешенә зур өлеш керткәннәре өчен бүләкләнделәр.
Ярышлар озынлыкка сикерү һәм 4 х 100 м. арага эстафета ярышлары йөгерүе буенча уздырылды. Озынлыкка сикерү 18 яшькә кадәр һәм 18 дән өлкәнрәк яшьтә булган кызлар һәм егетләр арасында уздырылды.
Кызлар арасында (18 яшькә кадәрле) – Надиля Хәкимзянова – 241гр. – 1 урында – (3.86), Гульшат Фәйзиева – 241гр. – 3 урында – (3.35).
18 дән өлкәнрәк яшьтә булган кызлар арасында – Лилия Шакирова – 213гр., җиңү яулады – (3.70).
Егетләр арасында (18 яшькә кадәрле) Айназ Сагдиев – 141гр. – 3 урында.
18 дән өлкәнрәк яшьтә булган егетләр арасында – Рәсим Нигматуллин – 241гр. – 1 урында - (5.57), Ильшат Фазылзянов – 441гр., - 2 урында – (5.51), Нияз Галимов – 241гр., - 3 урында – (5.42).
Эстафета ярышларында студентлар арасында 1, 2, 3 урыннарда педагогия көллияте командалары. Эстафета буенча финал ярышларында педагогия көллиятенең беренче командасы Айнур Гумеров, Инсаф Байрамов, Расим Нигматуллин, Ильназ Галимов составында җиңү яулады – (48,1).

Ярышларның баш хөкемдары: Б. К. Бакиров