2020-2021 уку елында 14 кг батарейка җыелды. Хәзер батарейкалар безнең бакчада акция вакытында гына түгел, ә ел дәвамында билгеләнгән савытларга җыелып бара. Аларна санына карап язып барабыз. Балаларга кызыксындыру чарасы итеп, ел ахырында 1 нче урынны билгелибез һәм, катнашкан һәр балага, истәлекле бүләкләр бирәбез.  Ә җыелган батарейкалар территориаль экология бүлегенә тапшырыла.

Бүген чыгарылыш балалары Гөберчәк авыл китапханәсенә сәяхәткә бардылар. Аларга Гөлфирә Зөфәр кызы мавыктыргыч чара әзерләгән. Тукай геройлары белән күңелле очрашулар, кызыклы уеннар, җырлар, әлбәттә, Тукай шигырьләре яңгырады.

Бүген Бөек шагыйрь - Габдулла Тукайның туган көне. Без бу көнне бик көтеп алабыз. Тәрбияче Гөберчәк авыл китапханәчесе Гөлфирә Зөфәр кызы белән күңелле бәйрәм чарасы оештырдылар. Бакчада Тукай шигырьләре, җырлары яңгырады. Тукай әсәрләрен балалар бик теләп сәхнәләштерделәр.

Яз җитү белән өмәләр дәвам итә. Бу атнада да юл кырыйларында, авыл эчләрендә, чишмә буйларында җыештыру эшләре гөрләп барды. Бакча коллективы да бик теләп әлеге чарада катнашты.

Тукай айлыгы чорында туган телебезгә игътибар тагын да артып китә. "Туган телем - Татар теле, Татар теле - Тукай теле" исеме астында бакчада милли дәрес үткәрелде. Балалар белән телебез, аның нинди тирән мәгънәгә ия булуы турында әңгәмә үткәрелде, рәсемнәр ясадылар, милли уеннар уйналды, татар җырлары, Туган тел җыры җырланылды. 

22 апрель - Җир көне. Әлеге көнне без дә балалар белән искә алдык. Җиребезне саклау турында әңгәмәләр үткәрдек, кинофильм карадык,  балалар эчтәлекле рәсемнәр ясадылар.

Тукай әсәрләренә балалар белән җанлы фотосурәтләр төшердек.

Г.Камал исемендәге Сикертән төп мәктәбе ЮИДлары бездә кунакта булдылар. Алар балалар белән викторина үткәрделәр. Балалар бик теләп катнаштылар. Күп сорауларга җаваплар да бирделәр. Рәхмәт мәктәп укучыларына, ЮИД отрядына.

Бездә бүген язгы өмә булды. Карлар тараттык, кардан арынгат бакча тирәсен тырмаладык, комлыкны тулыландырдык.