Музей – патриотик тәрбия учагы. Музеебыз көннән-көн үсә, матурая, тарихи экспонатларга байый. Балалар бакчасында музейларның әһәмияте нидә соң? Бу сорауга җавапны ерактан эзлисе юк. Бакча музее тик тормый, ул һаман саен үзенең байлыгы белән уртаклаша. Шөгыльләрдә, кичәләрдә, чыгышларда без музей экспонатларын киң кулланабыз. Бүген "Әбием сандыгыннан" музеенда кунакта, кечкенәләр төркеме балалары булды.Алар музеебыз тарихы һәм экспонатлары белән таныштылар.Халкыбызның рухи мирасын, аның тарихын өйрәнүдә балаларга чын мәгънәсендә әхлак һәм патриотик тәрбиясе бирүдә музей эшчәнлеге әйтеп бетергесез әһәмияткә ия. Музейлар ул - хәтер почмагы. Балалар тарих белән кызыксына икән, димәк, музейларның киләчәге бар!