Сабантуй бәйрәме – татар халкының йөзек кашы булган зур бәйрәмнәрнең берсе. Ул – хезмәт һәм дуслык бәйрәме. Без бай тарихыбызны, тирән мәгънәле милли көйнең матурлыгын, бөек шәхесләребезнең әсәрләрен, татар халкының гореф-гадәтләрен, йолаларын күз карасыдай саклыйбыз. 
Буген безнең бакчабызда да татар халкының милли бәйрәме –Сабантуй үткәрелде. Бу бэйрэмне балалар көтеп алды. Барысы да бик теләп, кызыксынып катнаштылар. Алар милли уеннарда үз осталыкларын күрсәттеләр: “Чүлмәк вату”,”Капчык киеп йөгерү”, “Бүләк кисү ”, “Бау тарту”, "Таяк тарту" һәм бик күп башка уеннар. Балалар өчен иң авыры- бәйләнгән күзләр белән чүлмәккә эләгү булды, алар бу сынауны да бик тырышып үттеләр. Бәйрәм җыр-моң белән үрелеп барды.
Бәйрәмнән бер бала да бүләксез китмәде. Бакчада оештырылган әлеге чара балаларның күңеленә бик хуш килде.