Наласа авылында яшәп иҗат итүче шагыйрә, Татарстан Республикасы Язучылар берлеге әгьзасы, балалар һәм өлкәннәр өчен язылган “Бәхетләрне язмыш кисмәсен”, ”Ак тәлинкә, сары май”, ”Кәнфит тавы”, ”Кара квадрат” китаплары авторы - Гөлчирә Мәхмүт кызы Нәҗметдиновага 65 яшь! 

Шул уңайдан, 18 апрель көнне бакчабызда зур чара булып узды. Әлеге бәйрәмгә Гөлчирә ханымның якыннары, туганнары,каләмдәш дуслары да килде. Балалар җырладылар, биеделәр, шагыйрәнең шигырьләрен сөйләделәр. Голчирә ханымның үзе сөйләгән шигырьләре аеруча куңелдә калды. Җанны җылытырдай матур очрашу,онытылмаслык бер кичә булды ул. Без якташ шагыйрәбезнең иҗатына сокланабыз, аның белән горурланабыз!