Бакчабызда "Туган телем сагында" акциясе дәвам итә. Гыйнвар аенда бу атналыкны, якташыбыз, күренекле балалар язучысы, шагыйрь Хәкимҗан Халиковның иҗатына багышладык. Бүген уртанчылар һәм мәктәпкә әзерлек төркеме балалары белән шагыйрьнең иҗатын, тормыш юлын чагылдырган презентация карадык. Татар теле тәрбиячесе Айгөл Риваль кызы X. Халиковның шигырьләр, җырлар,шигъри әкиятләр, табышмаклар, тел шомарткычлар,  сәхнә әсәрләре авторы булуын, шул ук вакытта чын педагог-укытучы икәнен да искәртте. X. Халиков иҗат иткән кызыклы күнегүләр (анаграмма, метаграмма, логогриф, шарада, табышмаклар һ.б.) балаларның күзәтүчәнлек, игътибарлылык кебек сыйфатларын, хәтер һәм зиһенен үстерә, фикерләү сәләте үсеше белән бергә, туган телгә, туган якка мәхәббәт тәрбияли.