Бүген Бөек Җиңү көнен бакчабызда зурлап билгеләп үттек. Балалар да, тәрбиячеләр дә бу бәйрәмгә бик җаваплы карап ныклап әзерләнгәннәр иде. Бәйрәмдә сугыш чоры җырларын да башкардык, шигырьләр дә тыңладык, сәхнәләштерелгән әсәрләр дә, биюләр дә карадык. Балалар үзләренең сугышта катнашкан әби-бабаларының  фотоларын алып килгәннәр иде. Бәйрәм соңында ишек алдына чыгып патриотик җырлар җырлап, нәкъ солдатларча атлап бакчабызны әйләнеп чыктык , күгебезнең һәрчак аяз булуын, илебездә тынычлык булуын теләп һавага шарлар очырдык. Бер-беребезне Бөек Җиңү көне белән котлап матур теләкләр әйттек.