Уен эшчәнлеге – мәктәпкәчә белем бирү оешмаларында белем һәм тәрбия бирүнең төп формасы булып тора. Балаларның рухи яктан бай, физик яктан сау-сәламәт булып үсүендә хәрәкәтле уеннарның әһәмияте бик зур.  Үсеп килүче огранизмның төп зарури шарты булган хәрәкәтле уеннар, без- тәрбиячеләргә, белем бирү, тәрбияви һәм сәламәтләндерү мәсьәләләрен чишәргә  ярдәм итә.  Хәрәкәтле уеннар барышында баланың моторикасы камилләшүе , анда әхлак сыйфатлары формалашуы, җитезлек, төгәллек, түземлелек кебек сыйфатлар үсеше, шулай ук коллективта бердәм булып яшәү күнекмәләрен үстерү өчен  шартлар тудырыла.Хәрәкәтле уеннар, гомумән алганда, коллектив белән күмәкләп уйнала. Шуңа күрә дә балаларда пространствода ориентлашу, үз хәрәкәтләреңне башкаларныкы белән яраклаштыру, түгәрәктә, колоннада башкаларга комачау итмичә үз урыныңны таба белү кебек күнекмәләр камилләштерелә.Балаларда башкаларның хәленә керә белү, ярдәмләшү, игътибарлылык кебек матур сыйфатлар тәрбияләнә.