Яңа ел – балалар зарыгып көткән иң могҗизалы, тылсымлы бәйрәмнәрнең берседер мөгаен.  Бүгеннән  безнең балалар бакчасында  Яңа ел бәйрәмнәре  башланып китте.Уртанчылар,  №1  өлкәннәр төркемнәрендә  “Кыш бабай безгә кунакка ашыга" дип исемләнгән яңа ел иртәләре узды. Бәйрәмгә килгән вакытта Кыш бабайның бияләйләре урман юлында төшеп калган.Урман җәнлекләре – Тычкан, Куян, Бүре, Төлке, Тиен салкын кыш көнендә җылы бияләй-өй таба алуларына бик куандылар, анда бергәләп Яңа елны каршы алырга әзерләнделәр. Ә бүләк тулы икенче сыңар  бияләйне Убырлы карчык табып китерде. Балалар Кыш бабай һәм Кар кызына матур шигырьләр сөйләделәр, чыршы тирәсендә яңа ел җырларын башкардылар. Кыш бабай беркемне дә бүләксез калдырмады, һәркем бәйрәм кичәсеннән күтәренке кәеф белән таралды.Бәйрәм иртәләре дәвам итә. Яңа елга санаулы сәгатьләр, минутлар гына калып бара. Эт  елы барыбызга да исәнлек-саулык, бәхет һәм шатлык, куанычлы көннәр алып килсен!!!