Без тәҗрибәләр үткәрергә яратабыз.  Буген уртанчылар төркемендә А.Бартоның “Туп”  шигырен укыганнан соң, балалар белән бергәләп  “Чыннан да,  туп суда батмыймы?” соравына җавап эзләдек. Тупның суда бату-батмавын ачыклау максатыннан тәҗрибә үткәреп карарга булдык. Балалар тәҗрибә ярдәмендә, туп ясау өчен файдаланылган чимал – резинаның җиңел булуын, аның су өстендә йөзеп йөрүен “ачтылар”. Туп чыннан да суда батмый икән бит! Шулай ук бик кызыксынып агач, металл, пласстмассадан эшләнгән предметлар белән дә тәҗрибәләр үткәрделәр, тәҗрибә барышында үз “ачышлары” турында зур дулкынлану белән сөйләделәр, нәтиҗәләр ясадылар. Дөньяны танып-белү шулай тәҗрибәләр аша дәвам итә.