Безнең балалар бакчасында юлда йөрү культурасы тәрбияләүгә, юл йөрү кагыйдәләрен өйрәнүгә зур игътибар бирелә. Бүгенге шөгыльләр дә юл йөрү кагыйдәләренә, аларны тагын бер кат искә төшереп үтүгә, белгәннәрне ныгытуга багышланган иде.   Алар заманча җиһазландырылган “Юл йөрү кагыйдәләре”кабинетында үтте. Уртанчылар  төркемендә  “Сарбай юлда йөрү кагыйдәләрен өйрәнә” темасына  күңел ачу чарасы уздырды. Юлларда хәвефсез йөрү өчен,юл билгеләрен аера белергә һәм кагыйдәләрне төгәл үтәргә кирәклегенә төшенделәр,шулай укҗәмәгать транспортында үз-үзеңне дөрес тоту күнекмәләрен дә камилләштерделәр. Балалар белән “Транспорт төрләре”, “Нинди билге икәнен әйт!”, “Кайсы билге югалган”, “Светофор”, “Коляскага утырган курчакны юл аша алып чык” кебек дидактик һәм  хәрәкәтле  уеннар уйналды, белемнәр ныгытылды. Әлеге уеннар  балаларның сүзлек запасын юл йөрү кагыйдәләренә кагылышлы яңа сүзләр, терминнар белән баетты.