1 октябрьдән Өлкәннәр ункөнлеге башлана. Календарьда үз урынын алган әлеге бәйрәмне без бакчабызда бүген бәйрәм иттек. Бакчабызга өлкәннәр килеп керүгә бар дөньяга нур иңгән кебек булды. Балалар үзләренең әбиләренә,бабайларына, дәү әниләренә, дәү әтиләренә карата булган хөрмәтләрен матур шигырь, җыр–биюләр аша тапшырдылар, үз куллары белән ясалган бүләкләрен бирделәр.Өлкәннәребез дә балалар чакырган бер уеннан да читтә калмадылар,рәхәтләнеп уйнадылар, күңел ачтылар. Без дә, бакчабыз коллективы белән, әби-бабаларыбызга, тыйнак һәм фидакарь хезмәт ияләренә ихтирам һәм рәхмәтләребезне белдерәбез. Авыр чакларда киңәш һәм таяныч эзләп без нәкъ сезгә – зирәк һәм тәҗрибәле буынга мөрәҗәгать итәбез. Нинди генә катлаулы чорлар килмәсен, сез һәрвакыт киләчәккә өмет белән карый беләсез, теләсә нинди авырлыкларны да җиңеп буласына ышанычны югалтмыйсыз. Кадерле ветераннар! Барыгызга да – лаеклы ялга чыкканнарга да, хезмәтен дәвам итүчеләргә дә – нык сәламәтлек, иминлек, озын гомер, җан тынычлыгы, якын кешеләрнең мәхәббәтен һәм хөрмәтен тоеп, озак яшәвегезне телибез.