Бүген безнең балалар бакчасында районыбызның  53 балалар бакчасының җитәкчеләре җыелды.  Бу эшлекле җыелышта район мәгариф бүлегенең балалар бакчалары буенча методисты Мухаметшина А.Т.  узган 2016-2017 нче уку елына отчет белән чыкты, яңа уку елына бурычлар белән таныштырды. Җыелышта район мәгариф бүлеге җитәкчесе Ибрагимов А. Р. катнашты, үзенең төпле киңәшләрен бирде. Шулай ук бу очрашуга ТР ның мәктәпкәчә белем бирү  институты кафедрасы җитәкчесе Манюрова Г.Х. кайткан иде. Ул  Федераль  дәүләт белем бүрү стандартларына күчеп эшләүдә тәрбиячеләргә бердәм таләпләр,  максатларны тормышка ашыруда  уңышлы эш алымнары белән таныштырды.  Врач- педиатр Кузнецова А.А., ГИБДД  хезмәткәрләре чыгышлары да бик эчтәлекле булды.Тәрбияче  Валиева З.З  икенче кечкенәләр төркемендә тәрбияләнүчеләр белән күрсәткән "Арчам- минем Туган ягым!" дигән ачык шөгыль дә, тәрбияче Хакимова Г.Р. тарафыннан күрсәтелгән " Халкыбызның күңел бизәкләре" ( торцовка алымы белән эш) килгән кунакларга файдалы булгандыр дип ышанабыз. Яңа 2017-2018 нче уку елы барыбызга да иҗади биеклекләр, зур уңышлар алып килсен дигән теләктә калабыз!