Татар халкы, башка халыклар кебек үк , элек-электән үзенә генә хас булган милли киемнәре белән аерылып торган. Киемнәрдә халыкның рухи дөньясы, милли үзенчәлекләре чагылган. Гасырлар буена халык бу эшкә үзенең кул көчен генә түгел, бәлки матурлыкка омтылышын, хыялын, эстетик зәвыгын да салган. Шул уңайдан  балаларга халкыбызның күңел бизәкләре белән якыннан таныштыру, милли киемнәрне аера белү, танып белү активлыгын үстерү максатыннан , кечкенәләр төркемендә “Әбиемнең серле сандыгы” атналыгы башланды.Бүген исә, алар  татар орнаментлары белән алъяпкыч бизәргә өйрәнделәр.