Яшәеш өчен фән, техниканың алга китүе, тормыш шартларының уңайлы булуы гына җитми, тирә-юньнең чисталыгы, су һәм һаваның сафлыгы, үсемлекләр һәм хайваннар дөньясының төрлелеге дә зур әһәмияткә ия. Мәктәпкәчә яшьтәге балаларда экологик культура нигезләре формалаштыруда дидактик уеннарның әһәмияте гаять зур. Экологик эчтәлектәге дидактик уеннар – балаларны уйланырга, эзләнергә, фикер тупларга, күнекмәләрне, гадәтләрне тормышта кулланырга өйрәтүче көчле чараларның берсе. Безнең балалар бакчасында балалардатабигатькә кызыксыну уяту, табигатьтә үзеңне дөрес тота белү күнекмәләре булдыру, терек һәм терек булмаган организмнар арасындагы үзара бәйләнешләргә төшендерү, экологик тәрбия бирү   максатынан дидактик уеннарның мәктәпкәчә педагогикада кулланылыш тапкан барлык төрләре дә киң файдаланыла:

•        өстәл уеннары («лото», «домино», «парлы рәсемнәр»);

•        табигый материаллар белән уеннар;

•        сүзле уеннар ( предметны тасвирлап сөйләү,  аңа хас  төп билгеләрне атап үтү,табышмаклар әйтешү, предметның яки күренешнең охшаш һәм аермалы якларны табу һ.б.)