Экологик белем һәм тәрбия бирүдә әдәби әсәрләрнең әһәмияте әйтеп бетергесез  зур.  Дөнья әдәбиятына күз салсак, табигать, аның  байлыгы, гүзәллеге, шул гүзәллекне саклап калу проблемасы белән   язылган әсәрләр исемлеге бай һәм төрле. Татар әдәбиятында табигатьнең илаһи сафлыгын, серлелеген үзенең җаны, күңеле  аша үткәреп шигъри юлларга  салучы татар әдәбиятының йөзек кашы ул – Габдулла Тукай.  Буген безнең балалар  бакчасы төркемнәрендә  “Г. Тукай иҗатында экологик мәсьәләләр чагылышы” темасына әңгәмәләр үтте. Тукай әсәрләрен  сәнгатьле сөйләп, сәхнәләштереп уйнап күрсәтеп, аның шигырьләренә язылган җырларны башкарып балалар җәнлекләрне, кошларны, бөҗәкләрне яратырга, аларга карата мәрхәмәтле, шәфкатьле булырга өйрәнделәр. Кешелекнең табигатьтән башка яши алмавына, аның матурлыгына хозурлану гына аз, аны саклый, аңлый белергә дә кирәклегенә төшенделәр.