Балаларны кече яшьтән үк әти-әниләрнең  һәм  өлкәннәрнең  хезмәтен хөрмәт итәргә өйрәтү, төрле һөнәрләр белән кызыксындыру – тәрбиячеләр алдында торган тәрбия максатларының берсе. Шул нисбәттән, 2 нче кечкенәләр төркемендә тәрбияләнүчеләр  режим моментында  “Хезмәт иясе - хөрмәт иясе” дип аталган лэпбук буенча төрле һөнәр ияләре белән таныштылар. Әлеге лэпбукта һөнәрләр темасына шигырьләр, кызыклы табышмаклар, мәкальләр, мавыктыргыч уеннар һәм башка күп төрле материал тупланылды. Шулай итеп, лэпбук ярдәмендә балалар үзләренең алган  белемнәрен тагын да тирәнәйтеп, һөнәрләр турында  яңа мәгълүматлар  алуга ирештеләр.