Бүген бакчабызда Туган тел атналыгы кысаларында, халкыбызның батыр улы, патриот шагыйрь - Муса Җәлилнең туган көнен билгеләп үттек. Барлык группа балалары да бу чарага алдан әзерләнделәр, язучы абыйларының шигырьләрен яттан өйрәнделәр. Ә бүген татар теле тәрбиячесе Алсу Хуснутдинова балаларга Муса Җәлилнең бала чагы, тормыш юлы, иҗаты турында мавыктыргыч итеп сөйләде. Чараларда әзерлек эшләрендә Габдулла Тукай исемендәге көллият укучылары да активлык күрсәтте. Мондый чараларны ел саен зур әзерлек белән үткәрү, үсеп килүче яшь буында Туган илебезгә карата патриотик хисләр уятуда уңай нәтиҗәләр бирә.