Бүген без өлкәннәр группасында тәрбияләнүче балалар белән шәһәребезнең күренекле Казан арты этнографик музеена экскурсия оештырдык. Музейда  бик бай тарихи мәгълүмат алдык. Халкыбызның үткәне, аның борынгы тормышы белән балалар чын күңелдән кызыксындылар, экскурсия үткәрүче апаларына бик күп төрле сорауларын яудырдылар һәм тулы җаваплар алдылар. Безне якты йөз белән каршы алып, бай мәгълүмат биргән музей хезмәткәрләренә, экскурсияне оештыруда ярдәм күрсәткән әти- әниләр комитетына зур рәхмәтебезне белдерәбез!