19 декабрь конне Арчада шашка ярышы уткэрелде, укучыбыз Абдуллин И. 3 урын яулады.

Юл хәрәкәте иминлеген ныгыту максатыннан мәктәбебезнең ЮИД командасы балалар бакчасына барып, юл травматизмын кисәтүгә юнәлдерелгән чара үткәрде. Яшь “ЮИД” чылар  нәниләр белән "Юл кагыйдәләрен һәркем белергә тиеш" уен-конкурсы оештырдылар. Конкурс юл хәрәкәте кагыйдәләрен, светофор сигналларын, җәмәгать транспортында һәм юлда үз-үзеңне тоту кагыйдәләрен белүгә багышланган иде. Ә уен алдыннан мәктәбебезнең ЮИД командасы юл хәрәкәте кагыйдәләре буенча чыгыш ясады.

Кышкы  чор - кошлар өчен бик авыр вакытлар. Үсемлек орлыклары  калын кар астында  калды, кошлар  азык  таба  алмыйлар.  Сәрдәбаш башлангыч мәктәбе укучылары мәктәп  янына җимлекләр куйдылар.  Көн саен кошларга җим салалар.

14 декабрь көнне Ашытбаш урта мәктәбендә "Ел укытучысы - 2018" конкурсының зона туры булып узды. Безнең мәктәбебездән математика һәм информатика укытучысы Абдуллин Р.Р. 7 класс укучылары белән ачык дәрес һәм дәрестән тыш эшчәнлек кысаларында 5-6 класс укучылары белән математик кичә күрсәтте. Киләчәктә аңа эшендә уңышлар телибез.

Бүген мәктәптә математика-физика атналыгы кысаларында Абдуллина Э.В. "Математика илендә" дигән уен-ярыш үткәрде. Бу ярышта бишенче класслар һәм алтынчы класслар командасы катнашты. Уен берничә конкурстан торды, укучылар математика фәне буенча белемнәрен сынаштылар. Көч сынашу алтынчыларның җиңүе белән тәмамланды. Котлыйбыз!

12 декабрь көнне математика-физика атналыгы кысаларында 6 класста математикадан Абдуллина Э.В. "Вакланмалы аңлатмаларның кыйммәтен исәпләү" темасына ачык дәрес үткәрде. Дәрестә күп төрле эш алымнары кулланылды, эш төре саен нәтиҗәләр ясалып барылды. Төркемнәрдә эшләү, парларда эшләү уңышлы  булды. Укучылар дәрестә актив катнаштылар, белемнәрен тиешле дәрәҗәдә күрсәтә алдылар. Дәрес максатына иреште.

Математика-физика атналыгы кысаларында бүген укучылар белән "Математик сабантуй" дип исемләнгән математик кичә үтте. Математик сорауларга дөрес җавап биргән укучылар, сабантуй бәйрәмендә уздырыла торган ярышларда катнашып, бүләкләр алдылар.

Халыкара инвалидлар көне уңаеннан "Мәрхәмәтле дөнья" дигән темага тәрбия сәгате үтте. Укучылар шул уңайдан мәктәп залында урын алган, мөмкинлекләре чикле булып та, дөньяны яратучы, күренекле кешеләргә багышланган күргәзмәне карадылар. Фәнис Яруллин, Гакыйль Сәгыйровның тормыш юлы, иҗаты белән якыннанрак таныштылар. 

7 нче класс укучылары «Казан арты» тарих-этнография музеенда экскурсиядә булдылар. Монда археологик казылмалар, галимнәрнең тикшеренүләре, фәнни хезмәтләре, Арча халкының көнкүрешен күзалларга мөмкинлек бирүче экспозицияләр укучыларда зур кызыксыну уятты. Бу экскурсия бик файдалы булды.

2-4 класс укучылары класс сәгатендә, 2015 елда, 242 УЦ ВДВ хәрби частендә казарма ишелеп, ике аягын җуюга карамастан, яшәү рухын җуймаган, тырышлыгы белән Паралимпия уеннарына кадәр барып җиткән татар егете Рөстәм Нәбиев тормышы таныштылар. Аның тормышын тасвирлаган «Бөртекләп җыелган гомер» исеме белән чыккан китаптан өзекләр укыдылар.