Бөек татар шагыйре Габдулла Тукайның 133 еллыгына багышланган “Без – Тукай варислары” исемендәге шигырь укучылар конкурсында катнашып, Сәрдәбаш башлангыч мәктәбенең  3 нче класс укучысы  Галиев Ф. 3 нче урынны яулады.

"Экояз 2019" кысаларында 6 нчы сыйныф укучылары иҗади эшләр бәйгесе үткәрделәр. Алар табигатьне саклауга багышланган шигырьләр, экоплакатлар ясадылар.

18 нче апрель көнне Арча мәдәният йортында “Арча балы- 2019” бәйгесе үткәрелде. Әлеге бәйгедә мәктәбебездән 8 нче класс укучылары Сафиуллин И. Һәм Шакирова З. катнашты. Өйрәнеп барган биюләрен югары дәрәҗәдә башкарып “Иң гүзәл пар” номинациясендә җиңү яуладылар. Укучыларыбызга уңышлар теләп калабыз.

Егет кешегә җитмеш төрле һөнәрдә аз дигән мәкаль Носы мәктәбенең 5 класс укычылары турында әйтелгән диярсең. Кулларыннан килмәгән эш юк: тегәләр, чигәләр,  агачтан сувенирлар ясыйлар.

17 нче апрель көнне мәктәбебездә ЭКОЯЗ-2019 акциясе кысаларында "Туган ягым - яшел бишек" дип исемләнгән класстан чара үткәрелде. Чарада 1-9 нчы класс укучылары катнашты.

16 нчы апрель көнне  Балаларны яклау көненә әзерлек планы буенча укучылар белән аңлату эше алып барылды. Һәр класска нәрсә эшләргә кирәклеге аңлатылды, эзерлек планы өләшенде.

Урман-кешенең иң юмарт дусты.Ул йорт салырга бүрәнә, өстәл ясарга такта, ягарга утын бирә.Ә кәгазь, целлюлоза, шырпы, скипидар? Гөмбә, җиләк, чикләвек, дару үләннәре...  Кыскасы урман бүләк итә торган байлыклар чиксез. Халык хуҗалыгындагы егерме меңнән артык әйбер-урман хәзинәсе.

      Урман безгә үзенең матурлыгы белән дә кадерле. Бар да туйганчы соклан-ул куып җибәрми.Саф һавасы, агач яфракларының әкрен генә кыштырдавы, кошлар сайравы- болар барысы да  кешенең кәефен күтәрә, рухын ныгыта. Урманда бер генә көн булсаң да , рәхәтләнеп  ял итәсең, уку һәм эш өчен яңа көч туплыйсың. Урмандагы яшел төс күзләрне ял иттерә, күңелне тынычландыра. Урманның чиста, кислородка бай һавасы безнең сәламәтлегебезне саклауга һәм ныгытуга  ярдәм итә.