Бүген  Муса  Җәлилнең  тууына  110  ел  булу  уңаеннан  мәктәп күләм  әдәби  кичә  үткәрелде. Кичәдә  5-6  класс укучылары   шагырьнең  иҗаты  һәм  тормыш  юлы  белән таныштырдылар, шигырьләрен  яттан  сөйләделәр. Кичә  бик  эчтәлекле  әзерләнгән  иде.   Кичәне  оештыручы  укучыларыбызга  һәм  татар  теле , әдәбияты  укытучылары  Гөлниса Вагыйз кызы  һәм Гөлназ  Рәшит  кызына  иҗади  уңышлар  телибез.

1989 елның 15 февралендә  совет  гаскәрләрен   Әфганстаннан чыгару төгәлләнде. Илебез тарихында 20 гасырда булган иң  озын сугыш тәмамланды. Сугыш  9 ел 1 ай  19 көнгә сузылды. Сугыш инде тарихка кереп калды, ләкин аның тирәсендә ялгыш, ялгыш түгел дигән бәхәсләр бүген дә дәвам итә. Ләкин бер нәрсә бәхәссез, шул елләарда 15 мең әп ир-егетләребез һәлак булды, 300 мең солдат яраланды, дистәләрчә меңе гарип булып калды.

Бүген  барлык  укучылар  һәм  укытучылар  дәресләрдән соң чаңгы  шуарга  чыктык. Көн  искиткеч  матур  иде, саф  һавада  бергәләп  ял  итү үзе  бер  күңелле!!!

Бүген  мәктәбебезнең  башлангыч  класс укытучылары  һәм  укучылары  каһарман  шагыйрь  Муса  Җәлилне  искә  алу  кичәсе  үткәрделәр. Кичә бик  оешкан  төстә  оештырылган. Укучылар  шагыйрьнең бик  күп  шигырьләрен  яттан  өйрәнеп  сәнгатьле  итеп  сөйләделәр. Кичә  ахырында  шагыйрьнең биографиясенә  һәм  иҗатына бәйле  викторина  сорауларына  җавап  бирделәр.

Җәмгыять   белеме  укытучысы  Мифтахова  Ләйсән  Рәдифовна  8-11 класс укучылары  белән  "парламент  дәресе"  үткәрде. Дәрестә  авыл  җирлеге  башлыгы  Ильфира  Рамазановна  һәм җирлек депутаты  Төхфәтуллин  Ильфат  Рәшитович  та  катнашты. Алар  укучыларны  кызыксындырган  сорауларга  җавап  бирделәр. Дәрес  бик  кызыклы  үтте,  укучылар  ике командага  бүленеп  викторинада  көч  сынаштылар.

Бүген  8  класс укучылары Казан  шәһәренә  экскурсиягә  бардылар. Тарихи  урыннарда  булдылар.Укучыларга  экскурсия бик ошады.

Бүген  мәктәбебездә  спорт бәйрәме  үткәрелде. Әлеге  чарада  барлык  укучылар  да  актив  катнаштылар. 1-6 класс укучылары  һәм 7-  11 класс укучылары  ике төркемгә  бүленеп катокта  шудылар, ярыштылар,чаңгыда  шудылар. Ике  командага  бүленеп  салазкаларда  ярыштылар, саф  һавада  кызыклы  уеннар  уйнадылар. Мәктәп  яны  балаларның  шат  авазларыннан гөрләп  торды.

Мәктәбебез  укучылары  Сафиуллина  Алисә  һәм  Хәсәнова  Алия Арча  үзәк  больницасының  актлар  залында  "Ак халатлы  фәрештәләр"  исеме  астында Казан  Дәүләт  медицина  университеты   оештырган  чарада  катнаштылар.  КГМУ на  керү  имтиханнары, табиб  һөнәренең нечкәлекләре  белән  таныштылар, соңыннан  Арча  больницасында  экскурсиядә  булдылар. Очрашу укучыларыбызга  бик  ошаган.