28 декабрьдә районның сәләтле балалары район башлыгы Илшат Нуриев белән очрашты. Очрашуда 11 класс укучысы Габдрахманов Рафил катнашты. Укучылар район, мәктәп, яшьләр тормышына кагылышлы сораулар бирделәр. Аларны район башлыгының шәһәрдә яшьләр өчен нәрсә төзергә яки үзгәртергә планлаштыруы да, югары уку йортын тәмамлап туган районына кайтырга теләүчеләр өчен эш урыннары булдыру мәсьәләсе дә кызыксындырды. Кайбер кечерәк авылларда яшьләр өчен ял итү мөмкинлекләренең чикле булуы турында да сүз кузгаттылар. Иҗат белән шөгыльләнүче укучы яшьләр өчен районда вакытлы матбугат булдыру, яшьләр тапшыруларын киңәйтү максатыннан Арча телевидениесенең эфир вакытын озынайту турында да сөйләштеләр. Илшат Нуриев аларга төгәл җаваплар бирде.

Бүген  мәктәбебезнең 1-6  класс  укучылары  өчен  чыршы  бәйрәме  үткәрелде. Бәйрәмгә  әти-әниләр, әби-  бабайлар, авылдашлар  килделәр.Бәйрәм бик оешкан төстә  үтте. 

Барлык фәннәрдән  дә    I яртыеллыкка  контроль  эшләр  үткәрелә.

Андый кешеләр турында романтиклар, хыялыйлар, диләр. Әйе, йөрәктәге ялкыннан башка балалар күңеленә ачкыч таба, аларның дусты, остазы була алмыйсын. Бүген мәктәбебездә “Искиткеч вожатый” конкурсы иң яхшылардан да яхшыларны җыйды. Сайлап алу турыннан соң финалга 5конкурсант чыкты. Вожатыйлар эшкә җитди якын килде. “Исәнмесез – бу Мин!” визит карточкаларының берсе генә дә бер-берсенә охшамаган иде. Конкурсантлар белән бергә алар шефлык иткән сыйныф вәкилләре дә чыкты. Алар үзләренең остазларына көч биреп кенә калмадылар, ярдәм дә иттеләр. Моннан тыш, конкурсантлар зирәклекне, фикерләүнең оригинальлеген, тамашачыларны уеннар белән “кабызып җибәрү” сәләтен күрсәттеләр. Конкурсантлар Татарстан Республикасы балалар иҗтимагый оешмалары эшчәнлеге программаларын бик яхшы белүләрен күрсәттеләр.

Татар  теле  һәм әдәбиятыннан  район  олимпиадасында  җиңү  яулаучы  укучыларыбызны котлыйбыз!!!

Татар  теленнән: 5 класс укучысы  Вахитова  Лилия- призер (укытучысы Габдрахманова Г.В.),     6 класс укучысы- Төхфәтуллина  Зөлфинә- призер

(укытучысы Шагисламова Г.Р.)

Татар  әдәбиятыннан: 7 класс укучысы Гәрәева Зәринә - призер, 8 класс укучысы  Кәлимуллина  Гөлгенә- җиңүче (Укытучылары  Габдрахманова  Г.В.)

 Афәрин!!!  Алга  таба  да  уңышлар  телибез!!!

Бөтенроссия  фән  олимпиадасының район  турында  җиңүче  укучыларыбызны котлыйбыз!!!

11 класс укучысы Хәсәнов  Искәндәр  икътисад   фәненнән җиңүче, 11 класс укчысы Габдрахманов Рафил, 10  класс укучысы Хәсәнова  Алия- хокук  фәненнән  призерлар  булдылар.(укытучылары  Мифтахова  Л.Р.) Молодцы!!!

Яңа ел бәйрәмнәре якынлашып килә. Укучыларыбыз һәм укытучыларыбыз кар сыннары ясау белән мәшгуль.