Кошларның җылы күлмәкләре дә, өйләре дә юк! Алар ачы буранда да, салкында да ачык һавада йоклыйлар. Канатлы дусларыбызга салкын кышны уздырырга бергәләп ярдәм итик, җимлекләр ясап, аларны йортларыбыз, мәктәп, балалар бакчалары тирәләренә, ял итү паркларындагы агачларга элик!Кошлар – табигатьнең күрке, яме. Ялтыравыклы матур каурыйлары, нәфис гәүдәләре, нәни томшыклары, үзәк өзгеч җыр- моңнары, сайраулары белән табигатькә, кеше күңеленә ямь өстиләр, илhам бирәләр. Кошларның кеше өчен әhәмияте аларның табигатьтә тоткан урыннарына бәйле. Бөҗәк ашаучы барлык кошлар файдалы. Чөнки алар үсемлек корткычларын күпләп юк итәләр . Ә ерткыч кошлар кимерүчеләрне юк итү белән бергә,  санитарлар ролен башкарып ,табигатькә, авыл хуҗалыгына зур ярдәм күрсәтәләр. Бөтен дөньяда 1906 елда кошларны саклау турында Бөтендөнья конвенциясе кабул ителгәннән алып, hәр елны 1 нче апрель – Бөтендөнья кошлар көне дип билгеләп үтелә. Ә Россиядә яшь натуралистлар тәкъдиме белән ул 1926 елдан бәйрәм ителә. Хәзер җир йөзендә 100 милрд. чамасы кыргый кош hәм 50 милрд. йорт кошы исәпләнә. Шартлы рәвештә hәр кешегә 30 ар кош туры килә.Табигатьнең менә шундый матур күчеш  чорында  кыш бабайның туны тәмам искереп, ала-кола булып калгач, иңкү аланнарга кар сулары җәелгәч, минем  туган ягыма кошлар кайта. Кошлар, кошлар… Алар белән яңа өметләр, яңа хыяллар күңелдә туа.