Балалар бакчасында  хезмәт белән шөгыльләнү баланы мәктәпкә тәрбияләргә ярдәм итә. Кече яшьтән үк хезмәт тәрбиясе алган балалар мөстәкыйль, оешкан, актив, пөхтә һәм үзләренә хезмәт күрсәтә белүләре белән аерылып торалар. А.С.Макаренко әйтүенчә, хезмәт дөрес оештырылганда бала шатлык хисләре кичерә, хезмәтнең тәмен тоя. Бакчабызда балалар хезмәтне яраталар.Без алар белән һәрдаим бүлмә гөлләренә су сибеп, тузаннарын сөртеп, төпләрен йомшартып торабыз. Бу хезмәт балаларда эстетик зәвык хисе, чисталык, пөхтәлек сыйфатлары тәрбияли, гөлләрне тәрбияли белергә, матурлыкны күрә белергә өйрәтә.

Безнең бүлмәдә хуш исле гөлләр

Шаулап үсәләр бик матур итеп.

Кайсылары зур, кайсы кечкенә.

Ямьләп торалар безнең бүлмәне.