Көн дә чыгабыз саф һавага уен мәйданчыгына, бигрәк күңелле уеннар әкияти дуслар белән!

Бакчабызның уен мәйданчыгында күңелле сабантуе бәйрәме оештырылды.Анда балалар татар халкының күңелле уеннарын , ярышларын бик яратып уйнадылар.Һәр кем, үз көчен түгеп, тиешле бүләген алды.Күз бәйләп чүлмәк ватуга, бүләк кисеп алуга, таяк тартышуга,кашыкка йомырка салып йөгерүгә осталыкларын күрсәттеләр.Афәрин!

Бүген  бөек җиңүгә багышланган митинг һәйкәл каршында узды.Анда безгә җиңү бүләк иткән ветераннарны авыл советы рәисе , Арчадан килгән кунаклар, мәктәп коллективы, балалар бакчасының чыгарылыш төркеме балалары котладылар, иң изге теләкләрен җиткерделәр.

 1 май хезмәт бәйрәме уңаеннан бакчага йөрүче балалар белән "Тырыш яшьләй!" исемле әңгәмә уздырылды.Хезмәт тәрбиясенә төп нигез  сабый чакта салына, бала үсә барган саен эшкә булган мәхәббәтне төрле тәрбияви чаралар аша үстерә бару зарури.

Буш вакытларыбызда өстәл уеннары оештырабыз, алар мөстәкыйль фикерләүгә, нәтиҗә ясарга өйрәнергә ярдәм итә.