Буген, ягъни 22нче февраль көнне озынайтылган көн төркемендә тәрбияләнүче укучылар өчен "Изге гореф-гадәтләр -  милли тәрбия чарасы" исемле тематик кичә уздырылды.

21 февраль–Халыкара туган тел көне уңаеннан,  21 нче февраль көнне  Арча муниципаль  районы, муниципаль бюджет гомуми белем учреждениесе   Арча 6 нчы урта гомуми белем  мәктәбе» базасында   " Туган телем-серле дөнья  " исемле  шигырь укучылар бәйгесе уздырылды. Бәйгенең максаты:укучыларны татар шигъриятенә  тарту, татар халкының мәдәнияте,милли   үзенчәлекләре белән кызыксындыру; укучыларны  иҗатка тарту. Әлеге бәйгедә Мөндеш башлангыч мәктәбенең 1 нче сыйныф укучысы Шәрәфиева Зилә  III нче урын (җитәкче: Гайнетдинова А.А), 3 нче сыйныф укучысы Гыйльметдинова Азалия II нче урын (җитәкче: Гыйбадуллина И.Г.) һәм 4 нче сыйныф укучысы Әскәрова Илсинә II нче урын, (җитәкче: Рәхмәтуллина А.Р.)  яуладылар. Укучыларны зур уңышлары белән котлыйбыз!

Мөндеш башлангыч мәктәбе укучылары өчен, 21 февраль - Халыкара Туган тел көне  уңаеннан, “Тел –рухи дөнья көзгесе”исемле әдәби чара үтте. Укучылар туган тел көне бәйрәменең тарихы, халкыбызның милли уен кораллары белән таныштылар. Табышмакларга җаваплар таптылар, мәкальләрнең дәвамын әйтеп бетерделәр, җырлы-биюле уенда катнаштылар, татар халык әкиятләре буенча эшләнгән мультфильм карадылар. Эчтәлекле шигырьләр, матур җырлар белән үрелеп барган бәйрәм “Туган тел“ җыры белән тәмамланды.

Казиле башлангыч мәктәбендә халыкара туган телләр көненә багышланган "Туган телем-иркә гөлем" дигән викторина үткәрелде.

Халыкара туган тел көне уңаеннан, 21 февраль көнне Арчаның 6 нчы номерлы мәктәбендә "Туган телем-серле дөнья" дип аталган районкүләм шигырь укучылар бәйгесе булып үтте. Безнең мәктәпнең 2а сыйныфы укучысы (җитәкчесе Йосыпова Р.К.) уңышлы чыгыш ясап, 3 урынга лаек булды.  Илүзәне бу җиңүе белән котлыйбыз!

В 5 классе проведено очередное внеурочное занятие "Разговоры о важном" по теме "День защитника Отечества"

20 нче февраль көнне Д.Г. Хәкимов исемендәге Түбән Мәтәскә урта мәктәбендә бик матур, истәлекле очрашу булды. 5-10 нчы сыйныф укучылары  янына Арча районында туып үскән, “Каурый каләм” иҗат берләшмәсе әгъзалары - шагыйрәләребез Факия Шәрәфетдинова һәм Адилә Әхмәтҗанова кунакка килде. Алар үзләренең иҗат җимешләрен тәкъдим иттеләр, укучыларның сорауларына җавап бирделәр һәм каләм тибрәтүче укучылар өчен осталык дәресе үткәрделәр. Җылы, якты хисләр калдырган бу очрашу укучылар күңелендә озак сакланыр. Шагыйрәләргә киләчәктә дә иҗади уңышлар телибез!

15 нче февраль көнне илебез Совет гаскәрләренең Әфганстаннан чыгарылган көнен искә ала. 1989 нчы  елдан башлап бу көн илебездә Әфганчылар көне буларак билгеләп үтелә. Шул уңайдан Мөндеш башлангыч мәктәбенең 3 нче сыйныф укучылары өчен “Әфганстан-йөрәк ярасы” исемле информацион сәгать уздырылды. Укучыларга Әфганстан җирендә хәрби бурычын үтәп кайткан авылдашыбыз  Камалиев Фәргать  Шәйхулла  улы турында тирән эчтәлекле мәгълүмат бирелде. Ватанга тугрылык үрнәге күрсәткән авылдашыбыз белән чиксез горурланабыз. Аларың хәрби бурычка тугрылыгы, каһарманлыгы яшь буын өчен  матур өлге булып тора.

Бүген 10 нчы һәм 8 нче сыйныф укучылары Казан арты һәм Әлифба музейларына экскурсия ясадылар.

15 февраль - Герой шагыйрь Муса Җәлилнең туган көне.  Ул – ялкынлы шигырьләр язган шагыйрь дә, илнең азатлыгы өчен көрәшкән курку белмәс көрәшче дә, үлемне ирләрчә батыр каршылаган каһарман да.

15 февраль көнне мәктәбебездә 2 нче сыйныфлар (сыйныф җитәкчесе Роза Кыяметдин кызы) һәм китапханәче Гөлназ Раниф кызы белән берлектә «Муса абый— балаларның якын дусты» исемле мәктәпкүләм әдәби – музыкаль кичә үткәрелде. Китап күргәзмәләре, видеофрагментлар аша балалар аның тормыш юлы, балачак, үсмер еллары,  иҗаты белән таныштылар, шигырьләрен яттан сәнгатьле итеп укыдылар, биеделәр, җырладылар.

Шулай ук 15 февраль көнне илебез Совет гаскәрләренең Әфганстаннан чыгарылган көнен дә искә ала. 1989 елдан башлап бу көн илебездә Әфганчылар көне буларак билгеләп үтелә.

Мәктәбебезгә Әфганстанда хезмәт иткән, Түбән Мәтәскә авылында туып-үскән, хәзергесе вакытта Арча шәһәрендә яшәүче  Галиуллин Зиннур Хәлиулла улы чакырылды. Ул үзенең истәлекләре   белән бүлеште, укучыларның сорауларына җавап бирде. Бәйрәм күңелләрдә матур хатирәләр калдырды.