День Победы - особый праздник, это праздник чести, достоинства, праздник слёз радости и скорби. Сегодня занятие "Разговоры о важном"  посвящено этой великой дате.

"Мин Арча баласы"  проекты кысаларында үткәрелгән "Мин Арчаны беләм" квестында  катнашып, 8 нче сыйныф укучылары Зарипова Әлфинә-4 нче, Гыйләҗиев Рәнис-1 нче урынны яулады. Молодцы!

Бүген укучыларыбыз белән "Арский бал-2024" район күләмендә үткәрелгән иҗади бәйгедә катнашып, "Иң сәнгатьле" номинациясендә җиңү яулап кайттык. Алга таба да укучыларыбызга зур уңышлар телибез! Молодцы!

27 нче апрель көнне укучыларыбыз белән "Безопасное колесо" конкурсында катнашып кайттык.

Туган тел атналыгын  йомгаклап  мәктәптә "Тукай иҗатын беләбезме?" дигән викторина үткәрелде. Укучылар бөек шагыйрьнең тормышы һәм иҗаты буенча сорауларга һәм табышмакларга җавап бирделәр. Өзекләр һәм рәсемнәр буенча шигырьләрен танып әйттеләр, өзекләрне сәхнәләштерделәр. Викторинада актив катнашканнар билгеләнде.

26 нчы апрель  көнне мәктәбебез укытучылары “Җиңү Диктанты" акциясенә кушылды. Өчпочмаклы хатларда укытучылар  солдатларга чын күңелдән рәхмәтләрен белдерделәр. Махсус хәрби операциядә хезмәт итүче егетләребезнең күңелләренә әлеге хатлар җылылык өстәр дип ышанабыз. Без аларның һәрберсе белән горурланабыз һәм аларның исән-сау әйләнеп кайтуларын теләп калабыз.

Мәктәбебездә профсоюз җыелышы булып узды.

Милләт һәм Ватанны ярату, милли горурлык, толерантлык хисләре, беренче чиратта, халыкның тарихына, милләтнең үткәндәге уңышына, милли мәдәниятенә, теленә, диненә, милләтнең бөек шәхесләренә хөрмәт аша тәрбияләнә. Якташ әдипләребез, фән эшлеклеләре, гомумән, туган төбәгебезне, мәдәниятебезне, әдәбиятыбызны, халыкның көнкүрешен яхшыртуга лаеклы өлеш керткән шәхесләр белән очрашулар уздыру мәктәпләрдә матур традициягә әйләнде. 26 нчы апрель көнне Д. Г. Хәкимов исемендәге Түбән Мәтәскә урта мәктәбенә, укучылар белән очрашу максатыннан, күренекле шәхесләребез, якташларыбыз - Арча районының "Каурый каләм" әдәби иҗат берләшмәсеннән шагыйрә, җырлар авторы Арча районы Иске Төрнәле авылында туып үскән Гөлара Вәкил кызы Шәрипова һәм шигырьләр, мәсәлләр, хикәяләр, пьесалар, балалар өчен әкият-пьесалар авторы, гармунчы, җырчы Арча районы Сарай-Чокырча авылыннан Марсель Гәптерәүф улы Шәрәпов кунакка килделәр. Алар Г.Тукайның туган көненә багышланган әдәби кичәдә катнаштылар. Укучыларның шигырь, җыр, биюгә осталыкларына сокландылар. Шагыйрьләр белән кызыклы әңгәмә оештырылды. Алар үзләренең иҗат җимешләре белән таныштырдылар, матур шигырьләрен укыдылар, укучыларны кызыксындырган сорауларга җавап бирделәр. Марсель Гәптерәүфович, гармунда уйнап, җыр да бүләк итте. Очрашу бик күңелле узды. Кунаклар да, укучылар да канәгать калды.

Быел милләтебезнең бөек шагыйре Габдулла әфәнде Тукаевның тууына 138 ел. Якты дөньяда ул бары 26 ел гына яшәсә дә, татар халкы аны бер генә ел да искә алмыйча калмый. Безнең мәктәбебездә дә шул уңайдан бәйрәм кичәсе узды. Һәр сыйныф бик матур концерт номеры күрсәтте. Укучыларыбызның милләтебезгә булган ихтирамын күрү күңелләрдә якты хисләр уята.

Без бүген Мөндеш башлангыч мәктәбе укучылары белән бик матур бәйрәмдә - Г. Тукай бәйрәме, туган тел көнендә булдык.  Шагыйрьнең 138 еллыгына багышланган "Тукай - шигъри чишмәбез" шигырь укучылар бәйгесендә катнашып 3 нче сыйныф укучысы Турсунова Хәдичә лауреат исемендәге, Хәйретдинова Алисә 2 урынлы дипломнар белән бүләкләнделәр.