Хөрмәтле хезмәттәшебезне - Гүзәлия Камиловнаны чын күңелдән 55 яшьлек юбилее белән котлыйбыз! Сәламәтлек, озын гомер телибез!

19 нчы октябрь - Әтиләр көне. Әтиләр - безнең саклаучы, яклаучыларыбыз. Батыр, олы йөрәкле әтиләр гаиләнең нигезе. Бала өчен дә иң абруйлы зат - әти кеше. Әти - гаилә башлыгы, балаларында тәвәккәллек, эш сөючәнлек, Ватан каршында җаваплылык хисе тәрбияләүче дә. Әтиләр - ил терәге. Гаиләдә дә әти төп таяныч, терәк булып тора. Бала тәрбияләүдә әтиләрнең йогынтысы бик зур. Шушы матур бәйрәм уңаеннан, озынайтылган көн төркемендә тәрбияләнүче балалар белән "Әтиләр сүзе - күңелнең күзе" дип исемләнгән әтиләр, дәү әтиләр катнашында күңелле, җылы, файдалы очрашу булып узды.

Башлангыч сыйныф укучылары Әтиләр көне уңаеннан, үз куллары белән, күңел җылысын биреп, бик матур итеп бүләк ясадылар.

16 нчы октябрь - Халыкара икмәк көне. Шул уңайдан, икмәккә, игенче хезмәтенә карата хөрмәт хисе тәрбияләү максатыннан, озынайтылган көн төркемендә тәрбияләнүче укучылар өчен класс сәгате үткәрелде.

Изгелек, яхшылык эшләү дәвам итә. Озынайтылган көн төркемендә тәрбияләнүче балалар белән обелиск тирәләрен чистарттык.

Мөндеш башлангыч мәктәбендә узган чираттагы «Мөһим сөйләшүләр» сәгате «Төрле буыннар бер-берсен ничек аңлый?» темасына үтте. Максаты-укучыларда гаилә кыйммәтләренә ихтирам тәрбияләү, төрле буыннар арасында тәҗрибә уртаклашу, гармонияле мөнәсәбәтләр төзү.

Ветераннарны котлау дәвам итә.

Өлкәннәрне котлау дәвам итә.

Озынайтылган көн төркемендә тәрбияләнүче укучылар белән көзге табигать үзгәрешләрен  күзәтергә чыктык.

  5 нче октябрь – укытучылар көне. Шул уңайдан бүген 5 нче сыйныф укучылары укытучыларны котлап чыгыш ясады. Аларга багышлап үзләренең җырларын, шигырьләрен, биюләрен башкардылар. Исәнлек-саулык, күңел күтәренкелеге, зур уңышлар, бетмәс-төкәнмәс энергия, эшләрендә  уңышлар теләделәр.