Бүген мәктәбебездә "Ә күңелләр һаман яралы... " дип исемләнгән, совет гаскәрләренең Әфганистаннан чыгарылуына 34 ел булу уңаеннан батырлык дәресе үткәрелде. Чарада якташларыбыз: Габдулла Тукай әдәби-мемориаль музей комплексы хезмәткәре, отставкадагы капитан, Әфган сугышында катнашкан Кавиев Фердинанд Дәүләт улы һәм Яңа Иябаш авылы егете махсус операциядә катнашкан Хөрмәтов Булат Батыр улы катнашты. Тарих һәм җәмгыять белеме укытучысы Шиһапова Гөлгенә Хәсбиулла кызы Әфган дәүләте, анда 1979-1989 нчы елларда булган гражданнар сугышы һәм геройлары, якташ солдатлары белән таныштырды. Кавиев Ф.Д. мәктәп, хәрби хезмәт елларын бәян итте. Хәрби уку йортына керүче нинди сыйфатларга ия булырга тиешлеген аңлатты. Хөрмәтов Б.Б. узенең хәрби хезмәте, "Батырлык өчен " медален алу хакында сөйләп үтте. Дәрес сораулар, киңәшләр, матур әңгәмә белән тәмамланды. Укучылар: "Чын батыр солдат булу өчен, беренче чиратта сау-сәламәт, акыллы, белемле кеше булырга кирәк икәнлеген анладык" - дип нәтиҗә ясадылар.