3 нче сентябрь - "Россиядә терроризмга каршы көрәштә бердәмлек көне". Әлеге көн 2005 нче елда «Россиянең Хәрби дан көннәре турында» гы Федераль закон нигезендә билгеләнгән һәм Беслан шәһәрендә (Төньяк Осетия, 2004 нче елның 1-3 сентябрендә) булган фаҗигале вакыйгалар белән бәйле. Ул чакта, 2004 нче елның 1нче сентябрендә җинаятьчеләр шәһәрнең 1нче санлы мәктәбенә үтеп кереп укучыларны, аларның әти-әниләрен һәм укытучыларны, барлыгы 1181 кешене әсирлеккә алалар. Әлеге террористик актның нәтиҗәсе бик аяныч - 350дән артык кешенең үлеме, бу исә Беслан шәһәре халкының 1% - ын тәшкил итә.  Үлүчеләрнең яртысы балигъ булмаган затлар, 500дән артык кеше яраланган.

Бүген, Бесландагы һәм барлык террор актлары корбаннарын, шулай ук хезмәт бурычын үтәгәндә һәлак булган хокук саклау органнары хезмәткәрләрен искә алу көне. Шул уңайдан мәктәбебездә барлык классларда да тәрбия сәгатьләре узды. Тыныч күк йөзенең кадере, тормышның матурлыгы турында сүз барды.