Бөек Җиңүнең 72 еллыгы уңаеннан мәктәбебездә  ветеран укытучы, 40 ел балаларга математика фәне буенча белем һәм тәрбия биргән олуг шәхесебез Галәветдинова Венера апа белән очрашу уздырылды. Очрашу сугышта батырлык үрнәге күрсәткән математикларга  багышланады.

Сугыш вакыйгаларында катнашучыларның саны кимегәннән кими, без сугыш турында китаплардан яки кинофильмнардан гына беләбез. Ләкин кеше хәтере күп  нәрсәләрне онытырга сәләтле. Шуңа күрә без бөек җиңүне якынайткан реаль кешеләрне, аларның җиңү өчен фидакарь  хезмәтләрен  белергә тиеш.

            Бүгенге очрашудан укучылар математикларның җиңүгә китергән хезмәтләре белән бер рәттән, кунагыбыз Галәветдинова Венера апайның сугышта катнашкан туганнары, аның әтисе мөгаллимебез  Әхмәров Рәфкать Зарифҗан улы турында да бик күп мәгълүмат алдылар.

             Йөрәкләр һаман да сыкрый,

            Исләрдә бит ул һәрчак.

            Ач, ялангач бала вакыт,

            Чабаталы үсмерчак.

            Ачлык күрдек , исән калдык,

            Укуны ташламадык.

            Кычыткан ашлары белән

            Җаныбызны сакладык .

                                 Галәветдинова В.Р