29 март, язгы каникул вакытында, Арча шәһәрендә укучылар арасында район беренчелегенә шашка ярышлары үтте. Безнең мәктәптән 5 класс укучысы Галимуллина Алсу 2 урын, 10 класс укучысы Шафигуллина Йолдыз 3 урыннарны алдылар.

22 март көнне безнең мәктәптә  "Шәхри Казан "газетасы хезмәткәрләре белән очрашу булды.Кичә барышында укучылар газетаның эшчәнлеге,чыгып килгән рубрикалар белән таныштылар,үзләрен кызыксындырган сорауларга җавап алдылар.Очрашу бик җанлы үтте.

      12 март көнне мәктәбебезнең 6 укучысы Г.Ибраһимовның 125 еллыгына багышланган V Республика фәнни-гамәли конференциясендә чыгыш ясадылар.   

20 апрель көнне Арча районы Яңа Кырлай урта мәктәбендә  Габдулла Тукайның иҗади мирасын өйрәнүгә багышланган II районара фәнни-тикшеренү эшләре конкурсы үтәчәк.

Хөрмәтле Хатын-кызлар!
Ихлас күңелдән Сезне язның беренче бәйрәме - 8 Март – Халыкара хатын-кызлар көне белән тәбрик итәбез!
Яз аеның шушы ямьле көнендә Сезгә фидакарьләрчә хезмәтегез өчен, тормыш сөючәнлегегезне сүндермичә өмет һәм ышаныч белән яшәвегез өчен, мәхәббәтегез һәм бу изге хисне югалтмыйча саклавыгыз өчен эчкерсез рәхмәт. Сезгә сәламәтлек, яшьлек, матурлык, ана бәхете һәм гаилә шатлыклары, тынычлык муллык телибез!
     Мәктәп администрациясе, профком комитеты.


 

     25нче февраль көнне Арча шәһәрендә, стадионда профсоюз членнары арасында чаңгы ярышлары булып узды. Яңа Кырлай урта мәктәбе командасы: Зарипов Х.Х., Мифтахова Г.Г., Хабриев Ш.С., Ганеев И.Т., Ахметгалеева Э.А., Рахимова Р.И.,Кабирова А.Р.лар  зур активлык күрсәттеләр.

   Мәктәп данын яклап чыгыш ясаганнары өчен коллегаларыбызга рәхмәт белдерәбез.

        24 нче февраль көнне Яңа Кырлай урта мәктәбендә  “Кошлар безнең дусларыбыз” дигән темага 1-6 класс укучылары катнашында ачык тәрбия чарасы үткәрелде. Бу чарада  Татарстан урман хуҗалыгы министрлыгының Ашыт дәүләт табигать тыюлыгы  вәкилләре: Сабиров Рамил Рахимович, Ахмәтҗанов Рашит Зиннурович, Ахметова Лейсан Рашитович катнашты.

Хөрмәтле ир-егетләребез!

Сезне Ватанны саклаучылар көне белән котлыйбыз.Сезгә эшегездә иҗади уңышлар,сәламәтлек,шатлыклар телибез.

    Ел саен мәктәбебездә Ватанны саклаучылар көне уңаеннан "Ягез әле , егетләр" ярышы уза.

   20  һәм 22 февраль көннәрендә 5 класстан алып 11 класска кадәр укучылар көч сынаштылар.Хәрбиләрчә төз  итеп җыр астында атлау ,урында төрле командалар башкару  ,ир балаларыбызның төрледән-төрле күнегүләр үтәве дисеңме-берсе дә калмады.

   Классларның һәркайсы яхшы хәзерлектә икәне күренеп торды.Ә менә инде аркан тартуда 7 һәм 9 класс укучыларына тиңнәр булмады.