2012нче елның 5нче гыйнварында Яңа Кенәр лицеенда мәгариф учреңдениеләренең профсоюз оешмалары вәкилләре арасында шашка, шахмат, өстәл теннисы, армрестлинг буенча зона ярышлары үтте. Ярышларга Яңа Кенәр зонасына кергән Яңа Кенәр интернат мәктәбе, Яңа Кенәр “Нур” балалар бакчасы, Яңа Кенәр Балалар иҗат йорты, Ташкичү төп гомуми белем бирү мәктәбе, Иске Ашыт, Сөрде, Шурабаш башлангыч мәктәпләре вәкилләре чакырылды. Бәйрәм вакыты һәм көннәр буранлы булуга карамастан прфсоюз вәкилләре ярышка теләп килделәр, актив катнаштылар. Киеренке көрәштән соң иң көчлеләр ачыкланды.

         Шашка буенча - Л. Р.Фазуллина, Р.Г. Файзрахманов, шахмат уенында – И.Г.Хафизова, Т.Ф.Сәмигуллин, өстәл теннисы буенча  А.В.Мостафина, Р.М.Әгъләмов беренчеләр булдылар. Барысы да Яңа Кенәр лицееннан. Армрестлинг буенча М. Ә. Габделәхәтова, А.Р. Нигметзянова, В.Н. Шакирова (интернат мәктәп), Р.Г. Гарипов (лицей) үзләрен иң көчлеләрдән күрсәттеләр. Алда район күләмендәге ярышлар көтә. Җиңүчеләргә яңа уңышлар теләп калабыз