Һәркем белә, 9 Май бәйрәме илебез өчен иң кадерле, иң хәсрәтле бәйрәм булып санала. Яңа Кенәр авылыннан323 ир-ат сугышка китеп, 161-е яу кырында ятып калды. Бер кайтмасак, бер кайтырбыз дип китсәләр дә, алар туган туфрагын күрү бәхетенә ирешә алмады. Алар еракта мәңгелек йокыга талдылар. Туган җирләре өчен башларын салган бу батырларны онытырга безнең хакыбыз юк.

7 нче май көнне Яңа Кенәр авылында батырларга куелган һәйкәл каршында Бөек Җиңүгә 66ел тулу уңаеннан тантаналы митинг уздырылды. Митингта мәктәп директоры             И.Г. Фәйзрахманов, уку алдынгысы, лидер укучы Сәйфуллина Миләүшә чыгыш ясадылар, котлау сүзләре җиткерделәр.  Авылыбызның барлык оешмалары һәйкәл каршына батырларыбыз хөрмәтенә веноклар куйдылар. Тантана бәйрәм концерты белән дәвам итте.

Кадерле ветераннарыбызны, тынычлык алып килгән сугышчы-җиңүчеләрне, тыл ветераннарын кабат-кабат данлыйбыз. Аларга иминлек, ныклы сәламәтлек, озын  гомер телибез.

Кошлар канат каксын,

Чишмә челтерәп аксын,

Күктә янсын якты йолдызлар,

Дуслар артып торсын,

Бәхет ташып торсын,

Имин булсын иде дөньялар.