3 нче сентябрь терроризмга каршы көрәштә теләктәшлек күрсәтү көне буларак билгеләп үтелә. Шул уңай белән укучыларда терроризмга карата нәфрәт тәрбияләү, аның куркыныч асылын аңлату, Беслан шәһәрендәге һәм Казандагы 175 нче гимназия вакыйгаларын искә төшерү, куркынычсызлык чаралары барлау,уяулык саклык, патриотик хисләр тәрбияләү, бердәмлек, дуслык төшенчәләрен ныгыту максатыннан  5- 8 нче сыйныф укучылары белән класс сәгате үткәрелде. Терроризм сүзенең мәгънәсе аңлатылды.

     Югарыда аталган вакыйгалар турында укучылар әзерләп килгән чыгышлар тыңланды. Мондый вакыйгалар кабатланмасын өчен, һәрберебезгә уяу булырга кирәк, саклык чараларын күрә белү шарт. Әңгәмә вакытында куркыныч хәлләр вакытында үз-үзеңне тоту кагыйдәләрен дә искә төшереп уздык. Класс сәгате шагыйрь Мәхмүт Хөсәен тарафыннан иҗат ителгән “Матур илем – батыр илем” әсәрен уку белән тәмамланды. 

         Башлангыч сыйныф укучылары  шушы теманы яктырткан рәсемнәр ясадылар.

      В рамках “ Осенней недели добра” ученики 1-6 классов нарисовали на асфальте добрые рисунки на тему « Яркий город». Мы хотим Вам всем пожелать: живите так, чтобы количество добра в мире увеличивалось с каждым вашим словом и поступком!

    “Көзге шәфкатьлелек атналыгы” кысаларында 1-6 класс укучылары асфальтта мәрхәмәтлелек темасына карата рәсемнәр ясадылар. Һәрбер эштә, һәрбер җирдә изге гамәлләр генә эшлик, бер-беребезгә, олыларга-кечеләргә. Һәрбер үткән көнебез изгелек, шатлык белән үтсен!

                           Хөрмәтле укытучылар, укучылар!

    1 Сентябрь – Белем көне. Инде күпме гасырлар буе нәкъ менә шушы көнне укучылар мәктәпкә ашыга. Аларны укытучылар каршы ала. Бүген мәктәпләрдә һәр бала көтеп алган , кызыклы вакыйгаларга бай булган, яңа уку елы башлана. Күңелләрдә сөенеч, йөзләрдә шатлыклы елмаю балкый. Яңа уку елы һәркемгә шатлык, сөенечләр, бары тик “4” һәм “5” билгеләре генә алып килсен. Белем бәйрәме кеше тормышындагы иң зур бәйрәмнәрнең берсе, һәм ул аны гомере буе матур хатирә булып озата бара. Әлеге бәйрәм белән чын күңелдән котлыйбыз. Эшегездә уңышларга ирешегез, алган белемнәр файда алып килсен һәм файда китерсен.

     Бәйрәм белән – Белем көне белән Сезне!

   Төрле бәйгеләр, олимпиадалар, күңелле чаралар белән уку елы тәмамланганын сизми дә калдык.  Күңелле җәй безне үзенең матур көннәре белән куандыра. Шулай да газета-журналлар укып алырга да, мәкаләләр  язарга да өлгерәбез.”Сабантуй”ның июнь санында мәктәбебезнең яшь юл хәрәкәте инспекторлары отряды турында мәкалә дөнья күрде. Аның авторы отряд командиры Рүзәл Маликов. Җәйләребез күңелле һәм хәвеф –хәтәрсез үтсен!

         Бүген чыгарылыш сыйныф укучылары өчен соңгы кыңгырау яңгыраячак. Соңгы кыңгырау ул, урта мәктәпне тәмамлап, зур тормышка, олы дөньяга юлланган укучыларны алдыгы көннәрнең гаҗәп матур да, тынгысыз да, соклангыч һәм авыр да булачагын искәртеп тора кебек. Бу чын аларның кадерле укытучылары белән хушлашу авазы да. 

Сегодня для выпускников прозвучит последний звонок. Последний звонок, кажется, напоминает ученикам, окончившим среднюю школу и отправленным в большой мир, о том, что предстоящие дни будут и удивительно красивыми, и беспокойными, и захватывающими, и трудными. Это и звук прощания с их дорогими учителями.

    Туган телләр һәм Халыклар бердәмлеге елы уңаеннан 8 нче һәм 9 нчы сыйныф укучыларын “Татар халкының гореф – гадәтләре, йолалары, бәйрәмнәре “ белән таныштыру турында тәрбия сәгате үткәрелде. Халык бәйрәмнәре ул халыкны милләт итеп берләштерә торган чараларның берсе. Һәр милләтнең үзенә генә хас бәйрәмнәре була. Халык бәйрәмнәре һәм йолалары кешене тормыш тәртипләренә һәм таләпләренә күнектерергә ярдәм итә. Бу бәйрәмнәрне халыкның олысы-кечесе бергәләп уздыра. Яшьләр бәйрәмнәрнең тәртибен, йоласын кечкендән үк белеп, күреп, өйрәнеп үсәргә тиеш. Балаларга кечкнәдән үк әдәплелек, инсафлык, мәрхәмәтлелек тәрбияләүдә әти-әниләр, тәрбиячеләр зур эш алып барырга тиеш. Балаларга үз-үзен тота белү, аралаша белү күнекмәләрен балалар бакчасында, мәктәптә һәм гаиләдә өйрәтергә кирәк. Әгәр дә без балаларны шушы тәртиптә тәрбияләсәк шул чагында гына милләт, халык өчен тәрбияле балалар үстерәбез.

           Арча муниципаль районы мәгариф учреждениеләре профсоюзы әгъзалары арасында җиңел атлетика буенча шәхси-команда ярышлары булды. Бу ярышта безнең мәктәп тә бик актив катнашты. Укытучыларыбыз Шакиров Р.Н., Закирова А.Р., Маликова Г.Г., газооператорларыбыз Кадыров З.И., Шәйхиев Д.Д. Аларга сәламәтлек, эшләрендә уңышлар телим.

  Пионериянең туган көне уңаеннан  Арча Укучылар сараенда педагог-оештыручылар  семинары булып узды. Бәйрәмдә ветеран вожатыйлар Гаранина В.В., Зарипова З.М. да катнаштылар, тирән эчтәлекле чыгыш ясадылар, хатирәләре белән уртаклаштылар.Укучылар  сарае җитәкчесе  барлык педагог-оештыручыларны, килгән кунакларны  бәйрәм  белән тәбрикләде. Бу өлкәдә озак еллар хезмәт куючыларны  Рәхмәт хатлары  белән бүләкләде. Алар арасында  мәктәбебезнең педагог-оештыручысы Хәмидуллина З.Я. да бар.

                Укытучыларны, укучыларны зур балачак бәйрәме белән тәбрик итәбез, сәламәтлек, иҗади уңышлар телибез.

  Арчаның 3 нче номерлы мәктәбендә туган якны өйрәнү буенча “Милли эзләнүләр” проекты астында үтүче Туган телләр һәм Халыклар бердәмлеге елына багышланган укучылар һәм укытучыларның “Туган телемнең серләрен ачам” районара фәнни-гамәли конференциясе үткәрелде.Укытучылар өчен “Изге гореф-гадәтләр - милли тәрбия чарасы “ секциясендә үзенең осталык дәресе белән татар теле һәм әдәбияты укытучысы Хәмидуллина З.Я. катнашып,3 нче урынга лаек булды.

    Бүген 8 нче май көнне Түбән Аты җирлегендә Бөек Җиңүнең 76 еллыгына багышланган кичә уздырылды.Кичәнең беренче өлеше Ватан сугышында һәлак булганнар хөрмәтенә салынган обелискка венок кую белән ачылып китте.Бәйрәмебезнең кунагы Алия Габделфартовна да чыгыш ясады. Кичәнең икенче өлешендә укучылар матур эчтәлекле чыгыш тәкъдим иттеләр.Тыл ветераны Хәйруллина Зәйнәп апаның чыгышын балалар да олылар да кызыксынып тыңлады.Бу бәйрәм озак вакытлар хәтердә сакланыр.

    Сегодня 8 мая в Нижнеатынском сельском поселении состоялся вечер, посвященный 76-й годовщине Победы в Великой Отечественной войне. Первая часть вечера открылась возложением венка к обелиску в честь погибших в Великой Отечественной войне. Алия Габдулфартовна выступила в качестве гостя праздника. Во второй части вечера учащиеся представили красочное выступление. Выступление ветерана тыла Хайруллиной Зайнап апа с интересом слушали и дети, и взрослые. Этот праздник запомнится надолго.