Эко - весна акциясе кысаларында "Тубән Аты төп гомум белем биру" мәктәбе филиалы "Урта Сәрдә башлангыч белем бирү мәктәбе" - Балалар бакчасында, балалар белән "Күл буенда" дигән экологик-әкият чарасы үткәрелде.

В рамках акции "Эко - весна" в детском саду Филиал МБОУ "Нижнеатынская ООШ" - "Среднесердинская НОШ-детский сад" с детьми было проведено эколого - сказочное мероприятие "У озера".

    Бүген Түбән Аты мәктәбендә Чернобыль авариясенен 35 еллыгына багышланган мәгълүмати чаралар булып узды. Хамидуллин Данис җитәкчелегендә 7 сыйныф укучылары белән “Чернобыль – йөрәк ярасы” темасына класс сәгате үткәрелде. Укучыларга тарихы,дөньяга китергән зыяны,бик куп сандагы кешеләр үлеменә китерүе турында сөйләнелде .Аеруча Припять шәһәре,аның бүгенге хәле турында сүз булды. Күз алдына китерүе дә авыр:чын мәгънәсендә гөрләп яшәгән шәһәр санаулы сәгатьләр эчендә җансызга әверелә. 

  Көннең икенче өлешендә физик тәрбия һәм ОБЖ укытучысы Закирова Алия җитәкчелегендә ачык дәрес электростанциясенең шартлау вакытын тасвирлаган видеоязма,презентация күрсәтелде. Вакыйганың әйләнә-тирә мөхиткә зыяны, нурланыш алган кешеләрнең тормышына,аларның буын киләчәгенә зур йогынты ясауы кебек сораулар каралды. Чараны 4-9 класс укучылары һәм мәктәп укытучылары коллективы тыңлады. Соңыннан әлеге охшаш хәлләр кабатланмаска тиешлеге әйтелде.Моның өчен һәрберебездән әйләнә-тирәгә,бер-беребезгә игътибарлы булу, туган табигатьне саклау сорала.

28 нче апрель – Бөтендөнья хезмәтне саклау көне уңаеннан 8 , 9 нчы сыйныфларда тәрбия сәгате үтте.

   7 нче класс укучылары белән “Халкыбызның йөзек кашы” темасына класс сәгате үткәрдек. Әлеге чара 26 нчы апрель – Туган тел көне һәм бөек шагыйребез Габдулла Тукайның 135 еллыгына багышланды. Балалар Тукайның гыйбрәтле язмышы белән таныштылар, аның чын мәгънәсендә халык шагыйре икәнлегенә инандылар. Тукайга багышлап, күргәзмә дә эшләдек, анда фикер иясенә багышланган материаллар, вакытлы матбугатта чыккан язмалар урын алды. Шулай ук Тукай әсәрләреннән өзекләр укыдык. Бөек шагыйрь иҗатында Җаек, Казан чорының әһәмияте турында да сүз булды. Тукай премиясенең 2021 нче елгы лауреатлары турында да мәгълүмат бирелде. Соңыннан татар шагыйьләренең Габдулла Тукайга багышланган шигырьләрен укыдык.

   С учащимися 7 класса был проведё классный час, посвящённый ко Дню родного языка и 135 летию со дня рождения великого татарского поэта Габдуллы Тукая. Была организована мини-выставка, где можно было познакомиться с материалами периодической печати о народном поэте. Была отмечена важность Казанского и Уральского периодов в творчестве Тукая. Озвучены стихи татарских поэтов , посвящённые известному поэту.

         26 нчы апрель көнне бөек талант иясе, татар реалистик тәнкыйтенә нигез салган Габдулла Тукайның тууына 135 ел тулуны билгеләп үттек. Г.Тукай шигърияте үзе яшәгән һәм аннан соңгы дәверләрдә күп әдипләр өчен маяк, илһам һәм акыл чыганагы булып торган шәхес. Тукайның шигырьләрен, әсәрләрен укымаган, аның турында сокланмаган татар кешесе юктыр. Гомумән, татарларга гына түгел, бөтен дөньяга якын кеше ул. Мәктәбебездә “Тукай - безнең күңелләрдә” уен – кичә үткәрдек. Кичә уен формасында , ике командага бүленеп үткәрелде. Уен “Бездән сорау – сездән җавап”, “Әйтәм табышмак – җавабын табып бак”, “Игътибарлымы сез?” конкурс рәвешендә узды. Бәйрәмдә укучылар Г.Тукайның шигырьләрен яттан сөйләделәр. Бәйрәм “Туган тел” җыры белән тәмамланды.

    Мәктәбебезнең “Светофориклар” дип исемләнгән яшь юл хәрәкәте инспекторлары отряды районкүләм “Имин тәгәрмәч” бәйгесендә катнашып кайтты. Укытучыларыбыз Хәмидуллина З.Я. һәм Закирова А.Р.  җитәкчелегендә балалар юл хәрәкәте кагыйдәләре,беренче медицина ярдәме күрсәтү буенча сорауларга җавап бирделәр, төрле каршылыкларны үтеп велосипедта йөрделәр. Маликов Р., Шәмсутдинов А.,  Хәлиуллина Л., Гәрәева А. - бу укучыларыбыз бердәм команда булуларын расладылар, уңышлы чыгыш ясап, төп гомуми белем мәктәпләр арасында V урынны алдылар һәм дипломга лаек булдылар. Командага киләчәктә зур уңышлар, имин юллар телибез.

      Бүген башкалабыз Казанның Филармония концертлар залында «Милли мультFest» республика кинофестиваленең йомгаклау кичәсе булды.Зөлфәт Зиннуров алып барган әлеге кичәдә укытучыбыз Хәмидуллина З.Я. һәм IX сыйныф укучысы Файзрахманов Алмаз катнашып кайттылар.Мәктәбебезнең бер төркем укытучылары һәм укучыларыннан торган “Хыял” иҗат коллективы тәкъдим иткән “Заманча кәҗә белән сарык”дип исемләнгән кыска метражлы фильм “Балалар фольклоры” номинациясендә дипломга лаек булды.

   Арча спорт мәктәбендә мәгариф хезмәткәрләре арасында йөзү буенча ярышлар булып узды. Бу ярышта безнең мәктәпнең профсоюз членнары да читтә калмады. Түбән Аты балалар бакчасы җитәкчесе Хөсәинова Хәтирә, газооператор Кадыров Зөлфәт матур ярыш күрсәттеләр. Аларга сәламәтлек,эшләрендә уңышлар телибез.

   Туберкулез-дөньяда иң актуаль проблемаларның берсе. Ел саен планетада туберкулез белән 8-10 млн.кеше авырый, Россия Федерациясендә 3 млн. тирәсе кеше үлә, ел саен 100 меңгә якын кеше авырый. Туберкулездан үлүчеләр саны 1992 ел белән чагыштырганда 2,3 тапкыр арткан.

Мәктәп укучыларының игътибарын бу проблемага җәлеп итү максатыннан һәм туберкулезны профилактикалау максатыннан 9 нчы сыйныф укучылары «туберкулезның беренче билгеләре»дигән видеофильм карадылар.

Туберкулез – одна из самых актуальных проблем в мире. Ежегодно на планете заболевают туберкулезом 8 – 10 млн. человек, умирает около 3 млн. В Российской Федерации ежегодно заболевают около 100 тыс. человек. Показатель смертности от туберкулеза увеличился в 2,3 раза по сравнению с 1992 г.

С целью привлечения внимания учащихся школы к этой проблеме и с целью профилактики туберкулёза учащиеся 9 класса просмотрели видеофильм «Первые признаки туберкулеза».

    17 июнь көнне Арча Укучылар сараенда "Спорт велотуризмы - яшьләрне сайлау" проекты кысаларында велосипедны фигуралы йөртү  ярышы булып узды. Түгәрәккә йөргән укучыларыбыз матур ярыш күрсәттеләр һәм җиңүләр белән кайттылар. Кәримов Фәнис , Сибгатуллина Сөмбел I урын, Маликов Рүзәл, Гайфуллин Наил III урыннарга ия булдылар. Укучыларга уңышлар телибез. Молодцы!