Бүген безнең мәктәптә чираттагы "Мөһим сөйләшүләр" дәресе кысаларында 23 февральгә багышланган әңгәмәләр үтте.

Очередное занятие "Разговоры о важном" было посвящено предстоящему празднику Дню защитника Отечества.

Дару үләннәре җыеп тапшыруда мәктәбебез өченче урынга һәм Татпотребсоюз тарафыннан Рәхмәт хаты белән бүләккә лаек булды. Әти-әниләргә, укучыларга, укытучылар коллективына чиксез рәхмәт.

15 февраль - герой шагыйрь Муса Җәлилнең туган көне. Ул - шигырьләре белән фашизмга каршы аяусыз көрәш алып барган бөек шагыйрь. Мәктәптә әлеге истәлекле датага багышлап тәрбия сәгате үткәрелде. Укучылар аның иҗаты белән таныштылар, шигырьләрен сәнгатьле итеп укыдылар.

Әфган сугышы... Бу коточкыч вакыйгаларга нокта куелган 1989 нчы елның 15 нче февраль көненнән соң нәкъ 35 ел вакыт узып киткән. Бу мөһим истәлекле дата – Хәрби хезмәт бурычын Ватаннан читтә үтәгән россиялеләрне искә алу көне. Бу көнне Әфганстанда хезмәт иткән сугыш ветераннарын гына түгел, илдән читтә 30 дан артык кораллы низагларда катнашкан башка хәрби хезмәткәрләрне дә искә алалар.
Якын тирә авыллар белән чагыштырганда Әфган, Чечен сугышларында безнең авылдашларыбыз байтак катнашкан. Галиев Тәбрик, Хәбиров Рисхәт, Каюмов Газинур, Шигабетдинов Хәлим, Шакирҗанов Тәфтил ком чүлендә солдат хезмәтен үтәсәләр, Гильмуллин Дамир, Газизов Илдар, Усманов Әмир Чечня хәрби компаниясендә катнашты. Шөкер, хәрби хезмәтләрен читтә үткән бу солдатларыбызга исән-сау туган якларына кайтырга насыйп була.
Илебез тарихында онытылмас батырлыклар белән уелып калган әфган, чечен һәм башка хәрби хәрәкәтләрдә катнашкан авылдашларыбызга чын йөрәктән чыккан рәхмәт сүзләребезне җиткерәбез, алар белән чиксез горурланабыз!
Балалар белән сугыш хатирәләре, совет сугышчыларының батырлыгы турында сөйләштек. Ветераннарыбыз турында презентация карадык.

Итоговое собеседование по русскому языку.

Бүген мәктәбебездә,9 нчы сыйныфларда, йомгаклау әңгәмәсе  узды.

15 нче февраль - Совет гаскәрләренең Әфганстаннан чыгарылуына 35 ел булу уңаеннан шахмат-шашка ярышлары башланып китте.

Хөрмәтле Шамил Вилович! Сезне туган көнегез белән ихлас күңелдән котлап, иң изге теләкләребезне юллыйбыз. Гомерегезнең иң көчле елларын, куәтегезне кешеләр, балалар бәхете өчен биргән шәхес Сез. Көчле рухлы һәм кешелекле, юмарт һәм ярдәмчел, сабыр холыклы һәм мәрхәмәтле, киң күңелле һәм ачык йөзле, олы йөрәкле булганыгыз өчен Сезне хөрмәт итәбез һәм яратабыз. Абруйлы җитәкче, оста оештыручы булуыгызның күрсәткече - мәктәп коллективы ирешкән уңышлар. Киләчәк тормышыгыз муллыкта, бәхеткә уралып, һәр яңа көнгә сөенеп үтсен!

23 нче февраль - Ватанны саклаучылар көне уңаеннан хәрби операциядә катнашучыларга коллектив белән гуманитар ярдәм оештырдык.

Тарихыбызда тирән эз калдырган Шиһабетдин Мәрҗәнине, аның кулъязмаларын өйрәнүне максат итеп куеп, Ташкичү мәктәбендә республика күләмендә галимнәр, дин әһелләре белән берлектә “Мәрҗәни укулары" оештырылды. Безнең мәктәп укучылары да бу бәйгедә үзләренең осталыкларын сынап карадылар. 4 сыйныф укучысы Хаҗиев Нәфис гореф-гадәт, йолалар турында шигырь язып җиңүгә иреште. (Класс җитәкчесе Гозәерова Л.Г.) Ул иҗат иткән" Онытылмас мирас" шигыре "Гран-при"га лаек булды. Киләчәктә дә аңа уңышлар телибез!!!