Бүген башлангыч класс укучылары  һәм укытучылары  ярминкә оештырдылар. Ярминкәдә кулдан эшләнгән әйберләр, төрле-төрле ризыклар сатылды. Шулай ук лотерея уены да үткәрелде. Бу чарада әти-әниләрнең дә катнашуы тагын да ямь өстәде.Ярминкәдән җыелган акчаның бер өлеше  Бөек Ватан сугышында һаләк булган авылдашлар истәлегенә салынган һәйкәл янына утырту өчен,  чәчәк үсентеләре алырга тотылачак.   Укучылар ярминкәдән шат күңел белән кайтып киттеләр.                                                                                                                                                                                                                                                  

          «70 еллыкка- 70 оя» дип аталган район конкурсы игълан ителгән көнне үк безнең Хәсәншәех төп гомуми белем мәктәбе укучылары кош оялары сызымнарын ясый башлады. Ике – өч көн эчендә мәктәп коридоры бик матур кош оялары белән тулды. Укучыларыбыз саны 59 гына булгач, укытучыларыбыз да бу эштән читтә калмады. Иң оригиналь ояны 7 класс укучысы Гафетдинов Айрат ясаган иде. Шушындый эшләрдә катнашу безнең авылдашларыбызның изге гамәле булып тора. Ул ояларны без үзебезгә якын каенлыкка урнаштырып, авылыбызга тагын да ямь өстәргә ниятлибез. Парклар һәм скверлар елы кысаларында гади полосаны да үзебезчә сквер итеп була бит дип уйлыйбыз.

Бүген без җыелышып табигатькә экскурсия ясадык. Саф һава, язгы кояш безгә бик күп энергия бирде. Сәяхәтебезнең максаты - дару ясау өчен чимал буларак кулланылган нарат бөресе җыю. Без бу эшне уңышлы башкарып чыктык.

Район күләмендә игълан ителгән "Хәрби техника модельләре" конкурсы безнең укучыларда зур кызыксыну уятты. Самолет, танкларның нинди генә төрләрен ясамады алар. Тик әлеге куркыныч кораллар белән балалар бары тик шушы модельләр аша гына танышсыннар иде. Сугышлар булмасын!

Тиздән җылы яктан кошлар кайта башлый. Без аларга матур оялар әзерләдек, агачларга урнаштырдык. Без канатлы дусларыбызны каршы алырга әзер!

В рамках празднования Великой Победы объявлен республиканский конкурс "Правнуки ветеранов рисуют Победу". Ученики активно участвуют в школьном этапе конкурса.

Мәктәбебездә 70 еллыкка -70 оя акциясе дәвам итә.  6 сыйныф укучылары беренчеләрдән булып сыерчык ояларын ясап бетерде. Молодцы!

Көннең яктылыгы кояшта,
Күкнең матурлыгы йолдызларда,
Җир йөзенең гүзәллеге хатын-кызларда.

Барлык гүзәл затларны чын күңелдән бәйрәм белән котлыйбыз.

Мәктәптәге барлык укытучы апаларны, укучы кызларны һәм әниләрне 8 март белән котлап, 5 класс укучылары һәм класс җитәкчесе Тәнзилә Габдрахмановна аларга бәйрәм кичәсе бүләк итте.  Мәктәп директоры Шамил Вилович ихлас котлауларын җиткерде.

9 класс укучылары бүген математика буенча район күләмендә үткәрелгән әзерлек имтиханнарында катнашты.

Язның беренче бәйрәме 8 март - халыкара хатын - кызлар көне. Шушы уңайдан бүген мәктәпкә башлангыч класс укучыларының әниләре килде. Укучылар аларга матур бәйрәм бүләк итте, иң яхшы теләкләрен җиткерде. Уллары һәм кызларының шат йөзләре, җыр - биюләре, балалардан ташып торган уңай энергетика - әниләр өчен зур бүләк булды.