Арчаның бишенче гимназиясендә “Куркынычсызлык тәгәрмәче – 2015” чарасы үткәрелде. Балалар юл хәрәкәте кагыйдәләре буенча компьютерда тест  үттеләр, беренче медицина ярдәме, мәҗбүри иминият (ОСАГО) буенча сорауларга җаваплар бирделәр, велосипедта төрле каршылыкларны үттеләр, юл билгеләрен, борылышларны, җәяүлеләр өчен юл аркылып чыгу урыннарын исәпкә алып, “тимер юлы”, светофоры булган махсус мәйданчыкта йөрделәр. Әлеге чарада безнең мәктәптән 5 класс укучылары Гатина Сөмбел, Хәбибуллина Йолдыз, Вахитов Илнур, Нәҗмиев Рәнифләр уңышлы чыгыш ясады һәм 3 урынны яулады. Җитәкчеләре физкультура укытучысы Мостафин Рифат Рәхимҗанович. Укучыларны зур җиңүләре белән чын күңелдән котлыйбыз!

30 апрель көнне район үзәгендә флеш моб үткәрелде. Анда безнең мәктәптән "Мозаика" командасы  бик матур чыгыш ясады. Балалар бәйрәмне бик ошаттылар.

Кадерле дуслар! Барыгызны да 1 Май - Яз һәм хезмәт бәйрәме белән тәбрик итәбез.

Мәктәптә бүген бәйрәм рухын 6 класс укучылары һәм аларның класс җитәкчесе Хамидуллина Гөлнара Рафисовна тудырды. Алар матур җыр - биюле, шаян сүзле чыгышлары белән һәркемнең күңеленә хуш килерлек кичә үткәрделәр.

Бүген, дәресләрдән соң, дусларча очрашуга Балтач районы Шубан төп гомуми белем мәктәбеннән егетләр волейбол командасы килде. Уен бик киеренке барды. Нәтиҗәдә, 2:1 исәбе белән кунаклар җиңү яулады.

Кичә, 28 апрельдә, Казан шәһәре Совет районының 20нче гимназиясендә "Алиш эзләреннән" исемле I төбәкара фәнни- гамәли конференция үтте. Безнең мәктәптән "Шигърият бакчасында" һәм "Әкиятләрдән олы тормышка" исемле секцияләрдә укучылар катнашты. 4 класс укучылары Мөхәммәтгалиева Алсинә, Хаҗиева Ландыш лауреат исеменә лаек булдылар. Хәбибуллин Надир, Хәйретдинова Лилия сертификат һәм җыентык белән бүләкләнделәр. Җитәкчеләре Таҗиева Гөлшат Сәйфелхан кызы "Сәләтле балалар белән максатчан эш алып барган өчен" Диплом белән бүләкләнде.

28 апрель көнне мәктәпкә тарих укытучысы Зәкиева Гөлфирә Хәбибулловна әзерләгән "Сугыш урлаган балачак" дигән кичәгә сугыш чоры балалары килде. Алар укучыларга үзләренең балачак еллары турында сөйләде, үткәннәрен хәтерләрендә яңартты. Укучылар аларга үзләренең матур җырларын, шигырьләрен бүләк итте. Кичә эчтәлекле, матур булды.

Бүген мәктәптә "Язгы изгелек атнасы" дип аталган акциягә йомгак ясалды. Укучылар бу акциядә теләп катнаштылар. Шулай ук линейкада Җиңүнең 70 еллыгын каршылау буенча бурычлар куелды.

25 апрельдә Лесхоз урта гомуми белем мәктәбендә Татарстан Республикасында Парклар һәм скверлар елына багышлап, фәнни экологик конференция үткәрелде. Мәктәбебезнең 8 класс укучысы Гафетдинова Гөлүсә "Аяк астындагы хәзинә - пластик шешә" дигән темага фәнни эш белән уңышлы чыгыш ясап, 2 урын алды. Җитәкчесе география укытучысы Гафетдинова Элфира Дилфатовна. Котлыйбыз!

Уку елы дәвамында Хәсәншәех төп гомуми  белем мәктәбе укучылары сугыш һәм тыл ветераннарына даими рәвештә көчләреннән килгәнчә ярдәм оештыралар. Менә бүген дә алар 20 -  27  нче  апрель  көннәрендә  “ Весенняя неделя добра” акциясе кысаларында үтүче акциядә катнаштылар. “ Сугыш чоры балалары” ның өйләрендә булып, аларга өй тирәләрен чистартырга ярдәм иттеләр һәм ялгыз әбиләрнең  ихлас рәхмәтләрен ишетте.

24 апрель Яңа Кырлай мәктәбендә республика күләмендә тукай укулары булды. Мәктәп укучылары үзләренең фәнни эшләрен әлеге конференциягә тәкъдим итте. Безнең мәктәптән 8 класс укучысы Хәйретдинова Лилия "Тукай фотографияләрдә" дигән темага уңышлы чыгыш ясады. Җитәкчесе татар теле һәм әдәбияты укытучысы Нуриева Тәнзилә Габдрахмановна.