Арча муниципаль районының көрәш буенча беренчелегендә укучыларыбыз командасы 3 нче урын алып кайттылар: Рәхимов Рәзил - 1 нче урын, Азамов Азат - 1 нче урын, Вәлиәхмәтов Нияз - 2 нче урын, Закиров Зөлфәт - 3 нче урын. Егетләргә яңа уңышлар теләп калабыз!

                      "Туган телләр һәм халыклар бердәмлеге елы" уңаеннан төрле тәрбияви чараларүтеп тора. Өлкән класс укучылары өчен "Халык авыз иҗаты саннар илендә" исемле чара үтте. Укучылар саннар кергән табышмакларга җаваплар бирделәр, мәкальләр белән таныштылар.

         Бүген 7-8 нче класс укучылары катнашында "Беләге юан берне егар, белеме булган меңне егар" дип исемләнгән грамматик КВН үткәрелде. "Яшь җәлилчеләр" һәм "Тукай оныклары" командалары көч сынашты. Укучылар кызыклы биремнәр үтәделәр, туган телдә рәхәтләнеп аралаштылар, татар теленең грамматикасын ни дәрәҗәдә белүләрен ачыкладылар. КВНда дуслык җиңде.

             Бүген районыбызда Укытучылар көненә багышланган зур бәйрәм үтте. Безнең мәктәп коллективы да бу тантаналы чарадан читтә калмады. Иң куанычлысы: мәктәпнең тәрбия эшләре буенча директор  урынбасары Әхмәтҗанова Энҗе Госман кызы Татартсан Республикасы Мәгариф һәм Фән министрлыгының Мактау грамотасы белән бүләкләнде. Шулай ук район укытучылары көче белән оештырылган "Тукай иҗатын чагылдырган экспресс-поезд дип исемләнгән чәчәк фестивалендә 1 нче урынны алган өчен Мактау грамотасы белән бүләкләндек. Котлыйбыз! Уңышларыбыз уңышларга ялгансын!

          Бүген мәктәбебездә Укытучылар көненә багышланган бәйрәм үткәрелде. Бәйрәм чарасы матур җырлар, биюләр белән үрелеп барды. Укытучыларны котлап укучылар открыткалар бүләк иттеләр.

       Илебез буенча 1 октябрьдә Өлкәннәр көне билгеләп үтелә. Мәктәбебез укучылары , музыка укытучыбыз Нигматзянова А.Р. җитәкчелегендә, өлкәннәребезне котлап бик матур, эчтәлекле чыгыш ясадылар.

             Октябрь - бәйрәмнәргә бай ай. 1 нче октябрь - Өлкәннәр көне булса, 5 нче октябрь- Укытучыларның һөнәри бәйрәм көне. Өлкәннәр көне, үзенә күрә көз бәйрәме кебек, кешенең гомер көзе - үстергән балаларының, укыткан, тәрбияләгән укучыларының игелеген күрү, хезмәтенең җимешләрен татуга тиң. Без дә үзебезнең лаеклы ялда булган өлкән буын укытучыларыбызны бәйрәм бедән котладык. Аларга хөрмәтебез, ихтирамыбыз чиксез!

            Мәктәбебезнең профсоюз комитеты рәисе Закирова Ф.Р. профсоюз члены Гарифуллина Ф.Ф.га тиешле еллар эшләгәнгә бирелә торган пенсияне алу өчен документлар рәсмиләштерергә ярдәм итә.

        Мәктәбебездә көзге "Уңыш бәйрәме" үткәрелде. Укучыларыбыз бәйрәмгә бик тырышып әзерләнгәннәр. Туган телебездә көз турында шигырьләр  сөйләделәр, табышмакларның җавапларын таптылар, матур җырлар җырладылар, халкыбызның гореф -гадәтләрен саклаган уеннар уйнадылар.